نەگە جۇرەگى اۋىراتىنداردى قۋىرىلعان تاماق جەۋدەن شەكتەيدى؟

نۇر-سۇلتان. قازاقپارات - قۋىرىلعان تاماقتى كوپ جەگەن ادام جۇرەك- قان تامىرى اۋرۋلارىنا شالدىعۋى مۇمكىن.

بۇل جايلى Heart جۋرنالىندا جاريالانعان زەرتتەۋدە ايتىلعان، دەپ حابارلايدى MedicalXpress.

قۋىرىلعان تاماقتىڭ ادام اعزاسىنا اسەرىن زەرتتەۋ ماقساتىندا قىتاي عالىمدارى ەكى باعىتتا تالداۋ جاساپ، مالىمەتتەرىن سالىستىرعان. ەڭ الدىمەن 17 زەرتتەۋگە قاتىسقان 562 مىڭ ادامنىڭ مالىمەتتەرىن الىپ، قۋىرىلعان تاماقتىڭ جۇرەك پەن قان تامىرىنا قالاي اسەر ەتەتىنىن تالداعان.

سودان كەيىن ءولىم جاعدايىن زەرتتەگەن 6 زەرتتەۋ جۇمىسىن الىپ، 755 مىڭ ادامنىڭ مالىمەتتەرىن تەكسەرگەن.

تالداۋ ناتيجەسى كورسەتكەندەي، قۋىرىلعان تاعامدى كوپ جەيتىندەردىڭ ينسۋلت پەن ينفاركقا شالدىعۋى %28 عا، جۇرەك اۋرۋىنا شالدىعۋى %22 عا، جۇرەك كەمىستىگىنە شالدىعۋى %37 عا كوبەيەتىنى بەلگىلى بولعان. ياعني قۋىرىلعان تاماقتى كوپ جەگەندە جۇرەك جانە قان تامىرى اۋرۋلارىنا ءجيى شالدىعادى.

زەرتتەۋشىلەردىڭ ايتۋىنشا، تاعامداردىڭ اراسىندا قۋىرىلعان كارتوپ پەن بالىق ەتىنىڭ ناتيجەلەرىن عانا تالداعان.

«سوندىقتان قۋىرىلعان تاماقتىڭ ادام اعزاسىنا زيانى جايلى تولىق زەرتتەۋ جۇرگىزىلدى دەۋگە بولمايدى»، - دەيدى عالىمدار.

massaget.kz