كليماتتىڭ وزگەرۋى ادامزاتقا قاۋىپ ءتوندىرىپ تۇر

None
None
نۇر-سۇلتان. قازاقپارات - جىل سايىن الەمدە تابيعاتقا جاناشىر ادامدار سانى ارتىپ كەلەدى. اسىرەسە، جاستار اراسىندا، دەپ حابارلايدى «حابار 24».

مۇنى ب ۇ ۇ- نىڭ دامۋ باعدارلاماسى جۇرگىزگەن زەرتتەۋ كورسەتتى. بەلسەندى جاستار اراسىندا گرەتا تۋنبەرگتىڭ ەسىمى كوپكە تانىس. ول مەملەكەت باسشىلارىن قورشاعان ورتانى قورعاۋعا شاقىرىپ ءجۇر. تابيعاتتى قازىردەن باستاپ ايالاماساق، ەرتەڭ كەش بولۋى مۇمكىن دەيدى ەكولوگتار. ب ۇ ۇ- نىڭ دامۋ باعدارلاماسى جۇرگىزگەن ساۋالناماعا سايكەس، الەم تۇرعىندارىنىڭ 60 پروتسەنتتەن استامى «كليماتتىڭ وزگەرۋى ادامزاتقا قاۋىپ توندىرەدى» دەپ سانايدى. اۋقىمدى زەرتتەۋ بارىسىندا مامانداردىڭ سۇراقتارىنا 50 ەلدىڭ 1 ميلليون 200 مىڭداي تۇرعىنى جاۋاپ بەرگەن. باياندامادا عالامدىق جىلىنۋمەن كۇرەسۋدىڭ ەڭ ءتيىمدى شارالارى رەتىندە ورمانداردى ساقتاۋ، جاڭعىرتىلاتىن ەنەرگيا كوزدەرىنە اۋىسۋ جانە «جاسىل» تەحنولوگيالارعا ينۆەستيتسيا تارتۋدى ارتتىرۋ اتالعان.

كەسسي فلينن، ب ۇ ۇ دامۋ باعدارلاماسىنىڭ ساراپشىسى:

- جاستار، اسىرەسە 18 جاسقا تولماعان ورەندەر كليماتقا قاتىستى جاعدايعا الاڭداپ، قاتاڭ شارالار قابىلداۋعا شاقىرادى. اعا بۋىن دا وسىنداي پىكىردە. ءتىپتى الپىستان اسقان كىسىلەردىڭ جارتىسىنان كوبى عالامعا قاۋىپ ءتونىپ تۇرعانىن ايتىپ، بۇل ماسەلەنى دەرەۋ شەشۋ كەرەك دەپ سانايدى.

گ. تۋنبەرگ داۆوس فورۋمىنا قاتىسۋشىلارعا ۇندەۋ جاسادى

ەسىمى الەمگە ايگىلى بولعان گرەتا تۋنبەرگ تە داۆوستا ونلاين ءوتىپ جاتقان دۇنيەجۇزىلىك ەكونوميكالىق فورۋمدا الەم باسشىلارىن ەكولوگيالىق جاعدايعا جاۋاپتى قاراۋعا شاقىردى. ول وسىعان دەيىنگى ۋادەلەر احۋالدى جاقسارتۋعا جەتكىلىكسىز ەكەنىن ايتىپ، مەملەكەتتەرگە كومىرقىشقىلعا قاتىستى زاڭدارىن قاتاڭداتۋدى ۇسىندى.

گرەتا تۋنبەرگ، ەكولوگيالىق قوزعالىس بەلسەندىسى:

- ەكولوگيالىق اپاتتى شەشەمىز دەپ جۇرگەندە ۋاقىتىمىز قۇر كەتىپ جاتىر. ال اپاتتىڭ الدىن الۋعا بىزدە كوپ ۋاقىت قالعان جوق. شىندىققا شىنايى قارايىق.

NATURE: جەر بەتىندە سوڭعى 12 مىڭ جىلدا ەڭ جىلى اۋا رايى ورنادى

عالىمدار جەر بەتىندە سوڭعى 12 مىڭ جىلدا ەڭ جىلى اۋا رايى ورنادى دەگەن پىكىرگە كەلدى. ءتيىستى زەرتتەۋ ناتيجەلەرى «Nature « باسىلىمىندا جاريالاندى. جىلىنۋعا ادامدار ارەكەتى قاتتى اسەر ەتكەن.

اۆتور: زاۋرەش بايگەلوۆا

www.24.kz

سوڭعى جاڭالىقتار