الماتىداعى كاسىپقوي بوكس كەشىندە ءبىرقاتار قازاقستاندىق رينگكە شىعادى
بوكس كەشىن الەمدەگى كاسىپقوي بوكسشىلاردى ىلگەرىلەتۋ جونىندەگى ۇيىم سانالاتىن MTK Global مەنەدجەرلىك كومپانياسى MTK Kazakhstan فيليالىمەن جانە TOP Rank پروموۋتەرلىك كومپانياسىمەن بىرگە وتكىزەدى. باستى جەكپە- جەكتە شارشى الاڭعا قازاقستان ۇلتتىق قۇراماسىنىڭ كاپيتانى قامشىبەك قوڭقابايەۆ (2-0, 2ك و) شىعادى. ونىڭ قارسىلاسى - ۇلىبريتاندىق ستيۆەن ۋورد. Boxrec.com الەمدىك ستاتيستيكالىق پورتالىنىڭ نۇسقاسى بويىنشا اۋىر سالماقتاعى بوكسشىلاردىڭ جاھاندىق رەيتينگىندە 86-ورىندا تۇرعان بريتاندىق كاسىپقوي شارشى الاڭدا ءوزىنىڭ جارقىن جەكپە- جەكتەرىمەن جانكۇيەرلەرىنىڭ ەسىندە. سونىمەن قاتار قازىرگى ۋاقىتتا ا ق ش- تا تۇرىپ، تىڭعىلىقتى جاتتىعىپ جاتقان قازاقستان بوكسشىسى جانىبەك ءالىمحان ۇلى دا الماتىداعى كاسىپقوي بوكس كەشىندە ونەر كورسەتەدى. جانىبەكتىڭ قارسىلاسى تاياۋ كۇندەرى بەلگىلى بولماق. مۇنان بولەك، ءدال وسى كۇنى MTK Kazakhstan مەنەدجەرلىك كومپانياسى اتىنان كاسىپقوي شارشى الاڭدا ونەر كورسەتەتىن اباي تولەش، تالعات شايكەن، ءالي بالويەۆ، نۇردوس تولەباي، نۇرتاس اجبەنوۆ، MTK Global Kazakhstan Golden Contra اۋقىمدى جوباسىنىڭ جەڭىمپازدارى تورعىنبەك امىروۆپەن نۇربول سۇلتانباي جەكپە- جەككە شىعادى.
كوروناۆيرۋس ينفەكسياسىنىڭ تارالۋىنا بايلانىستى كورەرمەنسىز وتەتىن كاسىپقوي بوكس كەشىن ESPN تەلەارناسىنىڭ جانە بريتاندىق «ILTV» ستريمينگتىك تۇعىرنامانىڭ تىكەلەي ەفيرىنەن تاماشالاۋعا بولادى.