رەسەيلىك كوروناۆيرۋسقا قارسى ۆاكسينا نەلىكتەن قاۋىپسىز - مامان پىكىرى

None
None
نۇر- سۇلتان. قازاقپارات - س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى بالالار جۇقپالى اۋرۋلارى كافەدراسىنىڭ پروفەسسورى ءلاززات ەراليەۆا اقپان ايىندا باستالاتىن كوروناۆيرۋسقا قارسى ۆاكسيناتسيانىڭ قاۋىپسىزدىگىنە قاتىستى پىكىرىمەن ءبولىستى، دەپ حابارلايدى قازاقپارات ءتىلشىسى.

«كوروناۆيرۋس ينفەكسياسىنا قارسى ۆاكسينا كەز كەلگەن وزگە ۆاكسينا سياقتى يممۋنوبيولوگيالىق پرەپارات ەكەندىگىن ءتۇسىنۋ قاجەت. ونىڭ وزىندىك كورسەتىلىمدەرى مەن قارسى كورسەتىلىمدەرى بولادى، سونىمەن قاتار اعزاعا ەگىلگەننەن كەيىن قانداي دا رەاكسياسى ورىن الۋى دا مۇمكىن. اعزاعا ۆاكسينا ەگىلگەن كەزدە انتيدەنە پايدا بولادى. انتيدەنەنىڭ پايدا بولۋى بەلگىلى ءبىر رەاكسيامەن قاتار ءجۇرۋى ىقتيمال. ادامداردا يممۋندىق قارسىلىق ءارتۇرلى ءجۇرۋى مۇمكىن. كوپ جاعدايدا رەاكسيا بولمايدى، ءبارى قالىپتى ءوتىپ، ادام ەركىن جۇرە بەرەدى جانە جۇمىسىن جالعاستىرا الادى. ال كەيبىر يممۋندىق قارسىلىق كەزىندە دەنە قىزۋى كوتەرىلىپ، ۆاكسينا سالىنعان جەر قىزارۋى نەمەسە ءىسۋى ىقتيمال. ءبىراق، بۇل دا قالىپتى دۇنيە جانە اعزانىڭ ارەكەت ەتكەندىگىن جانە انتيدەنە بولە باستاعانىن بىلدىرەدى»، - دەدى مەديتسينا عالىمى.

ءلاززات ەراليەۆا وسى ورايدا تاڭداۋ نەلىكتەن رەسەيدە شىعارىلعان «سپۋتنيك- V» ۆاكسيناسىنا ءتۇسىپ وتىرعاندىعىن ءتۇسىندىرىپ بەرۋگە تىرىستى.

«ەگەر اقپان ايىنان باستاپ قازاقستاندىقتارعا ەگىلەتىن ناقتى «سپۋتنيك- V» ۆاكسيناسىنا قاتىستى ايتار بولساق، قازىرگى ۋاقىتتا ول رەسەيدە شامامەن 1,2 ميلليون ادامعا ەگىلدى. جانە دە بىردە ءبىر جاعىمسىز رەاكسيا بولعان ەمەس. مۇنداي رەاكسياعا ەڭ الدىمەن انافيلاكسيالىق رەاكسيا جاتادى. ۆيرۋستىق ينفەكسيالاردىڭ دامۋ بەلگىلەرىنە ۇقساس كاتارالدى سيمپتومدار بايقالۋى مۇمكىن. دەگەنمەن، بۇل دا قالىپتى جايت. ادامنىڭ بىرنەشە كۇن بويى دەنە قىزۋى كوتەرىلگەن نەمەسە تۇماۋراتقان، ازداپ باسى اۋىرعان جاعدايلار كەزدەسكەن. الايدا مۇنىڭ بارلىعى 3-4 كۇننىڭ ىشىندە ءوتىپ كەتەدى»، - دەدى دارىگەر.

ونىڭ اتاپ وتۋىنشە، كوروناۆيرۋس ينفەكسياسىن قارسى ۆاكسينا العاننان كەيىن سپيرتتىك ىشىمدىك ىشۋگە، ساۋناعا بارۋعا، بۇرىن ءدامىن تاتپاعان ازىق- تۇلىكتى جەۋگە بولمايدى. سونىمەن قاتار جۇرەككە سالماق تۇسىرمەۋ ءۇشىن كۇش قولدانىلاتىن سپورت تۇرلەرىمەن اينالىسپاۋعا كەڭەس بەرىلەدى.


اۆتور: مارلان جيەمباي


سوڭعى جاڭالىقتار