ب ۇ ۇ باس حاتشىسى: رەسەيلىك ۆاكسينا پاندەمياعا قارسى كۇرەستە ماڭىزدى ءرول اتقارۋى مۇمكىن

ب ۇ ۇ. تاسس- قازاقپارات - ب ۇ ۇ باس حاتشىسى انتونيۋ گۋتەرريش دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) كوروناۆيرۋسقا قارسى شىعارىلعان رەسەيلىك ۆاكسيناعا بارىنشا تەز سەرتيفيكات بەرەتىنىنە سەنىپ وتىر، دەپ حابارلايدى قازاقپارات تاسس اگەنتتىگىنە سىلتەمە جاساپ.

كوروناۆيرۋسقا قارسى شىعارىلعان رەسەيلىك ۆاكسينا ب ۇ ۇ ميسسيالارىندا قولدانىلىپ، پاندەمياعا قارسى كۇرەستە ماڭىزدى ءرول اتقارا الادى، دەپ مالىمدەدى گۋتەرريش.

«ءبىز رەسەيلىك ۆاكسينانى بۇل كۇرەستە (كوروناۆيرۋس پاندەمياسىمەن - تاسس) وتە ماڭىزدى ءرول اتقارا الادى دەپ سەنەمىز. ول ۆاكسينالار ءوز قىزمەتكەرلەرىمىز ءۇشىن دە، جەرگىلىكتى تۇرعىندار ءۇشىن دە قولدانىلۋى مۇمكىن»، - دەپ اتاپ ءوتتى ول.

«ب ۇ ۇ ءۇشىن جالعىز شارت - ءبىزدىڭ تەك د د س ۇ بەكىتكەن ۆاكسينانى قولدانا الاتىنىمىز. قازىرگى كەزدە رەسەي بيلىگى مەن د د س ۇ اراسىندا بايلانىس ورناتىلىپ جاتقانىن بىلەمىن جانە ونىڭ رەسەيلىك ۆاكسينانىڭ بارىنشا تەز مويىندالىپ، سەرتيفيكاتتالاتىنىنا ۇمىتتەنەمىن»، - دەپ قوسىپ ءوتتى ول.

اۆتور: زارينا تۋعانبايەۆا