قۋات حاميتوۆقا قاتىستى سوت ۇكىمى شىقتى

الماتى. قازاقپارات - المالى اۋداندىق سوتى ارالاس جەكپە- جەك شەبەرى قۋات حاميتوۆقا قاتىستى سوت ۇكىمىن شىعاردى، دەپ حابارلايدى قازاقپارات ءتىلشىسى.

پروتسەسس ونلاين رەجيمدە ءوتتى.

«قۋات حاميتوۆتى ق ر ق ك 272-بابىنىڭ 3-بولىمىمەن ايىپتى دەپ تاۋىپ، 6 ايعا باس بوستاندىعىن شەكتەۋ تۋرالى ۇكىم شىعارىلدى»، - دەدى سۋديا. ايىپتالۋشى سوت ۇكىمىنە 15 كۇن ىشىندە اپەللياتسيالىق شاعىم تۇسىرە الادى. ونىڭ الدىندا سپورتشى سوڭعى ءسوزىن ايتقان بولاتىن.

ول شەتەلگە شىعۋعا تىيىم سالماۋىن وتىنگەن ەدى. قۋات حاميتوۆ ق ر ق ك 272 بابىنىڭ 3-ءبولىمى بويىنشا (بيلىك وكىلىنە باعىنباۋعا شاقىرۋ، جاپپاي قۇقىقبۇزۋشىلىققا تارتۋ، ارانداتۋ، ازاماتتارعا كۇش قولدانۋعا شاقىرۋ) قوزعالعان ءىس المالى اۋداندىق سوتىندا قارالىپ جاتىر.

ايتا كەتۋ كەرەك، بىلتىر قىركۇيەكتە قازاقستاندىق ارالاس جەكپە-جەك شەبەرى قۋات «نايمان» حاميتوۆ پوليتسيا بولىمشەسىنە جەتكىزىلگەن بولاتىن. ول الەۋمەتتىك جەلىدە بيلىككە قارسى كۇش قولدانۋعا شاقىرعان. اتالعان دەرەك بويىنشا قىلمىستىق كودەكستىڭ 272-بابى 3-بولىمىمەن ءىس قوزعالدى.