دەنە شىنىقتىرۋ مۇعالىمدەرىنىڭ ايلىعىنا جاڭادان ۇستەمەاقى قوسىلادى

None
None
نۇر-سۇلتان. قازاقپارات - 2021 -جىلدىڭ 1-قاڭتارىنان دەنە شىنىقتىرۋ مۇعالىمدەرىنىڭ ايلىعىنا جاڭا قوسىمشا اقى تاعايىندالدى، دەپ حابارلايدى قازاقپارات ءتىلشىسى.

بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى.

«2021 -جىلدىڭ 1-قاڭتارىنان باستاپ بالاباقشالار، مەكتەپتەر مەن كوللەدجدەردەگى دەنە شىنىقتىرۋ مۇعالىمدەرىنىڭ ايلىعىنا جاڭا قوسىمشا اقى تاعايىندالدى. ەندى دەنە شىنىقتىرۋ مۇعالىمدەرىنىڭ ەڭبەكاقىسىنا اي سايىن قوسىمشا 17697 تەڭگە تولەنەتىن بولادى. وسى رەتتە دەنە شىنىقتىرۋ مۇعالىمدەرىنىڭ فۋنكتسيونالى كەڭەيىپ وتىر» دەپ جازدى مينيستر Facebook پاراقشاسىندا.

ونىڭ اتاپ وتۋىنشە، مۇعالىمدەر ادەتتە وتكىزەتىن دەنە شىنىقتىرۋ ساباقتارىنان بولەك، قوسىمشا سپورتتىق- ساۋىقتىرۋ ساباقتارىن، ياعني سەكتسيالار وتكىزەتىن بولادى. ءار مۇعالىم قوسىمشا سەكتسيالىق ساباقتار وتكىزەدى، سايكەسىنشە بالالار مەكتەپتەگى قاجەتتى جابدىقتارىنىڭ بولۋىنا بايلانىستى ءتۇرلى سپورت سەكتسيالارىنا قاتىسا الادى.

«بالالاردى سپورت سەكسيالارى ارقىلى قوسىمشا ساباقتارعا تارتۋ - سالاۋاتتى ءومىر سالتىن قالىپتاستىرۋ، ءبىلىم الۋشىلاردى سپورتقا باۋلۋ جانە ولاردىڭ دەنساۋلىعىن نىعايتۋ ءۇشىن ماڭىزدى ەكەنى ءسوزسىز»، - دەدى اسحات ايماعامبەتوۆ.

سوڭعى جاڭالىقتار