لەنيننىڭ سوڭعى ەسكەرتكىشى قۇلاتىلعانى راس پا؟

None
None
نۇر-سۇلتان. قازاقپارات - ۋكرايناداعى ۆلاديمير لەنيننىڭ سوڭعى ەسكەرتكىشى ودەسسا وبلىسىندا قيراتىلدى.

بۇل تۋرالى سارسەنبى، 27-قاڭتاردا «سۆيتانوك» قوعامدىق ۇيىمىنىڭ جەتەكشىسى ۆاديم پوزدنياكوۆ حابارلادى، دەپ جازادى «يزۆەستيا» باسىلىمى.

«ۋكراينا تەرريتورياسىنداعى لەنيننىڭ سوڭعى ەسكەرتكىشى قۇلاتىلدى! (فابريكالار مەن ساناتوريلەر سياقتى باسىپ الىنعان جانە جابىق اۋماقتاردى قوسپاعاندا). بۇل ەسكەرتكىش ودەسسا وبلىسى، يزمايل اۋدانى، ستارە ترويانى اۋىلىندا تۇرعان بولاتىن»، - دەپ جازدى ول ءوزىنىڭ Facebook پاراقشاسىندا.

دەگەنمەن ۆاديم پوزدنياكوۆ تىم اسىعىس اقپارات تاراتقانعا ۇقسايدى. ونىسىن Facebook پاراقشاسىندا ءوزى دە مويىندادى. ويتكەنى، لەنيننىڭ تاعى ءبىر ەسكەرتكىشى حمەلنيتسا وبلىسىنداعى تيمكيۆ نوۆوۋسحىسكي وتگ اۋىلىندا دا بار ەدى. ال رەسەيلىك ب ا ق «ۋكراينادا لەنيننىڭ سوڭعى ەسكەرتكىشى قۇلاتىلدى» دەگەن تاقىرىپتارىن تۇزەتۋگە اسىعار ەمەس.

ايتا كەتەيىك، 2015 -جىلدان باستاپ ۋكراينا «كوممۋنيستىك جانە ناتسيستىك رەجيمدەردى ايىپتاۋ تۋرالى» زاڭ اياسىندا «دەكوممۋنيزاتسيالاۋ» ساياساتىن جۇرگىزىپ كەلەدى. زاڭدا اتاۋلارى ك س ر و- نى ەسكە تۇسىرەتىن بارلىق توپوگرافيالىق نىسانداردىڭ اتاۋىن وزگەرتۋ، سونداي-اق ەسكەرتكىشتەردى بۇزۋ قاراستىرىلعان.


egemen.kz

سوڭعى جاڭالىقتار