شەتەلگە شىعۋعا مۇمكىندىك بەرۋدى سۇرايمىن - قۋات حاميتوۆ سوتتا سوڭعى ءسوزىن ايتتى

الماتى. قازاقپارات - ارالاس جەكپە-جەك شەبەرى قۋات حاميتوۆ سوتتا سوڭعى ءسوزىن ايتتى، دەپ حابارلايدى قازاقپارات ءتىلشىسى.

«قۇرمەتتى سوت، مەن ءۇشىن ەڭ ماڭىزدى ماسەلە شەتەلگە شىعۋعا مۇمكىندىگىمنىڭ بولۋى. سەبەبى مەن ەلىمنىڭ نامىسىن قورعاپ ءجۇرمىن. جازام قانداي بولسا دا، كونەمىن. تەك شەتەلگە شىعا السام بولدى. مەنىڭ العا قويعان ماقساتىم كوپ»، - دەدى ول.

سوت ۇكىمى بۇگىن 14:30 دە بولادى. قۋات حاميتوۆ ق ر ق ك 272 بابىنىڭ 3-ءبولىمى بويىنشا (بيلىك وكىلىنە باعىنباۋعا شاقىرۋ، جاپپاي قۇقىقبۇزۋشىلىققا تارتۋ، ارانداتۋ، ازاماتتارعا كۇش قولدانۋعا شاقىرۋ) قوزعالعان ءىس المالى اۋداندىق سوتىندا قارالىپ جاتىر.

ايتا كەتۋ كەرەك، بىلتىر قىركۇيەكتە قازاقستاندىق ارالاس جەكپە- جەك شەبەرى قۋات «نايمان» حاميتوۆ الماتى پوليتسيا دەپارتامەنتىنە جەتكىزىلگەن بولاتىن. ول الەۋمەتتىك جەلىدە بيلىككە قارسى كۇش قولدانۋعا شاقىرعان. اتالعان دەرەك بويىنشا قىلمىستىق كودەكستىڭ 272-بابى 3-بولىمىمەن ءىس قوزعالدى.