ديماش قۇدايبەرگەننىڭ فاناتتارى «سامالتاۋ» ءانىن ۋكراين تىلىندە شىرقادى

نۇر-سۇلتان. قازاقپارات - ديماش قۇدايبەرگەننىڭ ۋكراينالىق فاناتتارى قازاقتىڭ ءداستۇرلى «سامالتاۋ» ءانىن ۋكراين تىلىندە شىرقادى، دەپ حابارلايدى قازاقپارات.

بۇل جايىندا قازاقستاننىڭ ۋكرايناداعا ەلشىلىگى ءمالىم ەتتى.

«سامالتاۋدى» ديماش العاش رەت 2019-جىلدىڭ 20- قازانىندا قىتايدىڭ فۋچجوۋ قالاسىندا وتكەن حالىقارالىق «جىبەك جولى» كينوفەستيۆالىندە ورىنداعان بولاتىن. قازاقتىڭ ۇلتتىق اسپابى - قوبىزدىڭ سۇيەمەلدەۋىمەن شىرقالىپ، يتتەردىڭ ءۇنى، قۇستاردىڭ شۋىلى، دالانىڭ اۋەزى ەستىلەتىن ءان قازاق حالقىنىڭ قايعىلى تاريحىنا ساپار شەكتىرگەندەي بولادى.

سونداي-اق الەمنىڭ 100 ەلىنەن قوسىلعان كورەرمەندەر ءاندى ديماشتىڭ «Dimash Digital Show» ونلاين كونسەرتىندە تىڭدادى. انگە ديماشتىڭ شەتەلدىك تىڭدارماندارىنىڭ قۇمارتقانى سونشالىق - ونى الەمنىڭ تۇكپىر-تۇكپىرىندەگى فاناتتار شىرقاي باستادى.