فۋتبولدان جاس وسپىرىمدەر ليگاسى: «قايرات» جاستارىنىڭ قارسىلاسى بەلگىلى بولدى
تۋرنيردى وتكىزۋ فورماتى جاڭا نۇسقادا قارالىپ وتىر. جەڭىمپاز كوماندا ءبىر ويىن ناتيجەسى بويىنشا انىقتالادى. پلەي-وفف كەزەڭىنىڭ العاشقى ساتىسىنداعى ويىندار 2- جانە 3- ناۋرىز كۇندەرىنە بەلگىلەنگەن. جارىستىڭ 1/32 جانە 1/16 فينالدىق كەزەڭىنىڭ ويىندارى ەكى باعىتتا جۇرگىزىلەدى. العاشقىسى ءاربىر ەلدىڭ چەمپيوندارى اراسىندا وتكىزىلسە، ەكىنشىسى چەمپيوندار ليگاسى جولىمەن جۇزەگە اسادى. 1/8 فينالدا بۇل جولدار بىرىكتىرىلەدى.
ەستەرىڭىزگە سالا كەتەلىك، بيىل اتالعان تۋرنيردە الماتىنىڭ «قايرات» كومانداسىنىڭ جاس فۋتبولشىلارى باق سىنايدى. قازاقستاندىق كلۋب ويىنشىلارى ءاربىر ەلدىڭ چەمپيوندارى جولىمەن قاتىسادى. قارسىلاسى - مولداۆانىڭ «شەريف» كلۋبىنىڭ جاستارى. ويىن سول مەملەكەتتە وتكىزىلەدى.
اتالعان تۋرنير 2013-جىلدان بەرى تۇراقتى تۇردە وتكىزىلىپ كەلەدى. بۇگىنگى كۇنگە دەيىن انگليانىڭ «چەلسي» جانە يسپانيانىڭ «بارسەلونا» كوماندالارى ەكى-ەكىدەن چەمپيون اتاندى. ال اۆستريانىڭ «زالتسبۋرگ»، پورتۋگاليانىڭ «پورتۋ» جانە يسپانيانىڭ «رەال مادريد» كوماندالارى ءبىر-بىردەن جەڭىمپاز بولدى.
ايتا كەتەيىك، 2015/2016-جىلعى كەزەڭدە وعان ەلىمىزدىڭ اتىنان ەلوردالىق «استانا» جاستارى قاتىستى. ولار C توبىندا پورتۋگاليانىڭ «بەنفيكا»، يسپانيانىڭ «اتلەتيكو مادريد» جانە تۇركيانىڭ «گالاتاساراي» كوماندالارىمەن سىنعا ءتۇسىپ، ءتورتىنشى ورىندى مىسە تۇتتى.