زەينەتاقى جيناعىن جەكە كومپانيانىڭ باسقارۋىنا قالاي بەرۋگە بولادى

None
None
نۇر- سۇلتان. قازاقپارات - ءبىرىڭعاي جيناقتاۋشى زەينەتاقى قورىنداعى جەتكىلىكتىلىك شەكتەن اسقان قاراجاتتى جەكە كومپانيانىڭ باسقارۋىنا زەينەت جاسىنا جەتپەگەن ازاماتتار بەرە الادى.

بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگى قۇندى قاعازدار نارىعى دەپارتامەنتىنىڭ ديرەكتورى ەدىل مەدەۋ ايتتى، دەپ حابارلايدى قازاقپارات ءتىلشىسى.

«زەينەتاقى جيناعىن جەكە باسقارۋشى كومپانيانىڭ باسقارۋىنا اۋدارۋ قۇقىعىن مىنا سالىمشىلار پايدالانا الادى: زەينەت جاسىنا جەتپەگەن جانە «جەتكىلىكتىلىك شەگىنەن» اساتىن زەينەتاقى جيناعى بار ادامدار؛ ومىرلىك اننۋيتەتتىك تولەمدى قامتاماسىز ەتەتىن ساقتاندىرۋ كومپانيالارىمەن زەينەتاقى اننۋيتەتى كەلىسىمشارتىن جاساسقاندار»، - دەدى ول.

ونىڭ اتاپ وتۋىنشە، ازاماتتار «جەتكىلىكتىلىك شەگى» ، جەكە باسقارۋعا اۋدارۋعا بولاتىن زەينەتاقى جيناعىنىڭ سوماسى تۋرالى اقپاراتتى ب ج ز ق سايتىنان، eGov.kz سايتىنان جانە eGov mobile قوسىمشاسىنان بىلە الادى. سونىمەن قاتار سالىمشى باسقارۋشى ينۆەستيتسيالىق قورجىندار تىزىمىمەن، ولار ۇسىناتىن ينۆەستيتسيالىق دەكلارتسيالارمەن ب ج ز ق سايتىنان تانىسىپ، ودان كەيىن ءوزى تاڭداعان باسقارۋشى كومپانيانى ىرىكتەپ الا الادى.

«سالىمشى جەكە باسقارۋعا زەينەتاقى جيناعىن اۋدارۋ ءۇشىن ب ج ز ق- عا زەينەتاقى جيناعىن ءبىر نەمەسە بىرنەشە باسقارۋشى كومپانيانىڭ سەنىمدى باسقارۋىنا اۋدارۋ تۋرالى ءوتىنىش بەرەدى. ءوتىنىشتى ب ج ز ق- عا كەلىپ، نەمەسە ب ج ز ق- نىڭ ينتەرنەت- رەسۋرسى ارقىلى ەلەكتروندى تۇردە بەرۋگە بولادى. بجزق سالىمشىنىڭ جەكە زەينەتاقى ەسەپشوتىنداعى جەتكىلىكتىلىك شەگىنەن اساتىن زەينەتاقى جيناعىن نەمەسە زەينەتاقى اننۋيتەتى تۋرالى جاسالعان كەلىسىمشارتتى تەكسەرگەننەن كەيىن 30 كۇننىڭ ىشىندە زەينەتاقى جيناعىنىڭ ءتيىستى بولىگىن جەكە كومپانيانىڭ باسقارۋىنا اۋدارادى. زەينەتاقى جيناعىنىڭ قالعان بولىگى ۇلتتىق بانكتىڭ باسقارۋىندا بولادى»، - دەدى ەدىل مەدەۋ.


سوڭعى جاڭالىقتار