ءتاريفتىڭ قىمباتتاۋى: قازاقستاندا جىلۋ جەتكىزۋشى كومپانيالار تەكسەرىلە باستادى
ءمالىم ەتىلگەندەي، 2020 -جىلعى جەلتوقساندا كوممۋنالدىق تولەم ءۇشىن تۇبىرتەكتەردە جىلۋ اقىسى ادەتتەگىدەن جوعارى كەلگەن. وسى ورايدا، ازاماتتاردان ءوتىنىش- شاعىمدار تۇسكەن.
«كوميتەتتىڭ نۇر- سۇلتان قالالىق دەپارتامەنتى جىلۋ ءۇشىن نەگىزسىز ۇسىنىلعان شوتقا قاتىستى ەلوردا تۇرعىندارىنىڭ شاعىمدارى نەگىزىندە «استانا- تەپلوترانزيت» ج ش س- عا تەكسەرۋ جۇرگىزدى. سونداي- اق، قاراعاندى وبلىسى بويىنشا ت م رك د جىلۋ ەنەرگياسىن ءوندىرۋشى «كاراگاندا ەنەرگوتسەنتر» ج ش س- عا قاتىستى تەكسەرۋدى باستادى. وندا قاراعاندى تۇرعىندارىنا جىلۋمەن جابدىقتاۋ قىزمەتتەرىن ۇسىنۋ ساپاسىنا سۋبەكتىنىڭ قىزمەتى تەكسەرىلەتىن بولادى. قوستاناي وبلىسىندا دا «قوستاناي جەك» م ك ك- عا قاتىستى جىلۋمەن جابدىقتاۋعا ۇسىنىلعان شوتتاردىڭ نەگىزدىلىگى بولىگىندە تەكسەرۋ باستالدى. قالعان وڭىرلەردە جىلۋمەن جابدىقتاۋ ءۇشىن نەگىزسىز شوتتار ۇسىنۋ تۇرعىسىنان جىلۋمەن جابدىقتاۋ ۇيىمدارىنىڭ قىزمەتى بويىنشا ءتيىستى جۇمىستار جۇرگىزىلۋدە»، - دەلىنگەن ق ر ۇ ە م اقپاراتىندا.
اتاپ وتىلگەندەي، تابيعي مونوپوليالاردى رەتتەۋ كوميتەتىنىڭ دەپارتامەنتتەرى وتكەن جىلعى جەلتوقسان ايىندا سىرتقى اۋا تەمپەراتۋراسىنىڭ كوتەرىلۋىنە بايلانىستى سەبەپتەردەن باسقا، جىلۋ ءۇشىن جوعارى تولەمدەر قويۋ نەگىزدىلىگىنە تالداۋ جۇرگىزەتىن بولادى.
«تەكسەرۋ قورىتىندىسى بويىنشا تاريفتىك رەتتەۋشى جىلۋ بەرۋشىلەر تاراپىنان قانداي دا ءبىر بۇزۋشىلىق انىقتالعان جاعدايدا، مونوپوليستەرگە قاتىستى ءتيىستى شەشىم قابىلدايدى. سونداي- اق حالىققا جىلۋ ءۇشىن قايتا ەسەپتەۋ جۇرگىزەدى. بۇدان بولەك، تابيعي مونوپوليالاردى رەتتەۋ كوميتەتى جىل سايىنعى نەگىزدە جىلۋ ەسەپتەگىش قۇرالدارى جوق تۇتىنۋشىلار ءۇشىن جىلۋمەن جابدىقتاۋ قىزمەتتەرىنىڭ قۇنىن قايتا ەسەپتەۋدى جۇرگىزىپ جاتقاندىعىن قوسىمشا حابارلايمىز. وتكەن جىلىتۋ ماۋسىمىندا تۇتىنۋشىلارعا 736,8 ميلليون تەڭگە قايتارىلدى»، - دەدى مينيسترلىكتەن.