ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى تاعايىندالدى

نۇر- سۇلتان. قازاقپارات – ق ر ۇكىمەتىنىڭ قاۋلىسىمەن سەرىك سالاۆات ۇلى قوجانيازوۆ ەكولوگيا، گەولوگيا جانە تابيعي رەسۋرستار ۆيتسە- ءمينيسترى قىزمەتىنە تاعايىندالدى، دەپ حابارلايدى قازاقپارات ق ر پرەمەر- ءمينيسترىنىڭ باسپا ءسوز قىزمەتىنە سىلتەمە جاساپ.

سەرىك قوجانيازوۆ 1965 -جىلى قىزىلوردا قالاسىندا دۇنيەگە كەلگەن. 1989 -جىلى كۋزباسس پوليتەحنيكالىق ينستيتۋتىن، 2002 -جىلى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىن ءتامامداعان.

ەڭبەك جولىن 1989 -جىلى جوندەۋ- مەحانيكا زاۋىتىندا ينجەنەر- تەحنولوگ بولىپ باستاعان. ءار جىلدارى جەكە سەكتوردا جۇمىس ىستەگەن. 1999-2000 -جىلدارى — ينۆەستيتسيا تارتۋ جانە قور نارىعىن دامىتۋ ورتالىعىنىڭ ديرەكتورى. 2001-2005 -جىلدارى — قىزىلوردا وبلىسى اكىمى اپپاراتىنىڭ يندۋستريالىق- يننوۆاتسيالىق دامۋ ءبولىمىنىڭ مەڭگەرۋشىسى. 2005-2007 -جىلدارى — قىزىلوردا وبلىسىنىڭ كاسىپكەرلىك جانە ونەركاسىپ دەپارتامەنتىنىڭ ديرەكتورى.

2007-2008 -جىلدارى — قىزىلوردا قالاسىنىڭ اكىمى. 2008-2014 -جىلدارى ق ر پرەمەر- ءمينيسترىنىڭ كەڭسەسىندە ءتۇرلى لاۋازىمداردا قىزمەت اتقارعان. 2014-2019 -جىلدارى — قىزىلوردا وبلىسى اكىمىنىڭ ورىنباسارى، ق ر پرەزيدەنتىنىڭ «بايقوڭىر» كەشەنىندەگى ارنايى وكىلى. 2019 -جىلدان باستاپ قازىرگى تاڭعا دەيىن ق ر پرەزيدەنتى اكىمشىلىگىنىڭ مەملەكەتتىك ينسپەكتورى بولىپ جۇمىس ىستەدى.