ەلىمىزدە كوروناۆيرۋسقا قارسى ۆاكسينا حالىققا تەگىن سالىنادى

None
None
نۇر- سۇلتان. قازاقپارات - كوروناۆيرۋسقا قارسى ۆاكسيناتسيالاۋدىڭ العاشقى كەزەڭى مەملەكەت ەسەبىنەن جۇرگىزىلەدى.

بۇل تۋرالى بۇگىن و ك ق- دا وتكەن باسپا ءسوز ءماسليحاتىندا دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ مالىمدەدى، دەپ حابارلايدى قازاقپارات ءتىلشىسى.

«قاراعاندى فارمكومبيناتى بويىنشا ۆاكسينالاردى جەتكىزۋ كەستەسىن بەكىتتىك. اقپاندا نارىققا 90 مىڭ دوزا جەتكىزىلەدى. ال ناۋرىزدا تاعى 150 مىڭ دوزا وندىرىلەدى. ال سودان كەيىنگى ايلاردا 600 مىڭ دوزادان شىعارىلادى. ءساۋىر مەن مامىر ايلارىنان باستاپ حالىقتىڭ باسىم كوپشىلىگىنە ۆاكسيناتسيالاۋ قولجەتىمدى بولادى»، - دەدى مارات شورانوۆ تىلشىلەردىڭ سۇراعىنا بەرگەن جاۋابىندا.

سونىمەن قاتار ءبىرىنشى ۆيتسە- مينيستر قازاقستاندىق ۆاكسينا دا قاتار وندىرىلەتىنىن ايتىپ ءوتتى.

«بۇل ءوز كەزەگىندە حالىقتى ۆاكسينالاۋمەن كوبىرەك قامتۋعا مۇمكىندىك بەرەدى. جالپى جىل سوڭىنا دەيىن 6 ميلليون ادامعا ەكپە سالۋدى جوسپارلاپ وتىرمىز. الايدا مۇنداي كولەمدەگى ۆاكسينا نارىقتا بولۋى كەرەك. بۇل تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا ۆاكسيناتسيا تەگىن بولادى. ەلدە ۆاكسينالاۋدى مەملەكەت ەسەبىنەن جۇرگىزۋ قاراستىرىلىپ جاتىر. ۇكىمەت رەزەرۆىنەن ءتيىستى قاراجات بولىنەدى. تيىسىنشە ۆاكتسينالاۋ تەگىن بولادى»، - دەدى ول.

ەسكە سالساق، بۇعان دەيىن قازاقستاندا كوروناۆيرۋسقا قارسى ۆاكتسينا 1-اقپاننان باستاپ ەگىلەتىندىگى حابارلاندى. سونىمەن قاتار 18 جاسقا تولماعان بالالار مەن 65 جاستان اسقان ادامدارعا ۆاكسينانىڭ تيىمدىلىگى مەن قاۋىپسىزدىگى تۋرالى مالىمەت جوق، سوندىقتان بۇل جاستاعىلارعا ەكپە سالىنبايدى. ال ۇكىمەت وتىرىسىندا پرەزيدەنت قاسىم- جومارت توقايەۆ اكىمدەرگە ۆاكسيناتسيا ماسەلەسىندە دۇربەلەڭگە جول بەرمەۋدى تاپسىردى.

سوڭعى جاڭالىقتار