ۆاكسينا سالدىرعان بەردىبەك ساپاربايەۆتىڭ جاعدايى قالاي
ورتالىق كوممۋنيكاتسيالار قىزمەتىنىڭ الاڭىندا تىلشىلەردىڭ بۇل سۇراعىنا دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ جاۋاپ بەردى، دەپ حابارلايدى قازاقپارات ءتىلشىسى.
«وتكەن اپتادا ءبىز جامبىل وبلىسىندا بولدىق. ايماق باسشىسى ءوزىن جاقسى سەزىنەدى. كۇش- قۋاتى مەن قايراتى تولى ەكەنىن، ءوز مىندەتتەرىن ورىنداپ جاتقانىن كوردىك» ، - دەدى مارات شورانوۆ.
ول سونداي- اق اكىم ءوزىنىڭ جاسىنا قاراماستان نەلىكتەن ەرىكتى بولىپ، ۆاكتسينانى سالدىرعانىن ءتۇسىندىردى.
«ءبىزدىڭ نەگە رۇقسات بەرگەنىمىزگە بايلانىستى ايتار بولساق، سىزدەر كلينيكالىق سىناقتىڭ دەمەۋشىسى - وسى ۆاكسينانى جاساۋشىنىڭ ءوزى ەكەنىن ءتۇسىنۋىڭىز كەرەك. دەنساۋلىق ساقتاۋ مينيسترلىگى بۇل كەزەڭدە، ياعني ەرىكتىلەردى تاڭداۋ كەزىندە قارسى كورسەتىلىمدەردى انىقتامايدى: ادامدار ەرىكتى ۆاكتسينالاۋعا جانە زەرتتەۋگە قاتىسا الادى»، - دەپ اتاپ ءوتتى سپيكەر.