اقتاۋدا تۇراتىن «بۋىنسىز بالا» بولاشاقتا كۇيشى بولعىسى كەلەدى

None
None
اقتاۋ. قازاقپارات - اقتاۋدا بۋىنسىز بالا تۇرادى، دەپ حابارلايدى قازاقپارات ءتىلشىسى. ەل ىشىندە قايتالانباس، ەرەكشە قابىلەتى بار بالانىڭ ءبىرى - ازامات نۇرقوجا. 13 جاستاعى ونەرپازدى «پلاستيلين- بالا» دەپ تە اتايدى.

ازامات بالقىعان تەمىردەي كەز- كەلگەن قالىپقا وڭاي ءتۇسىپ، ءتۇرلى باعىتتا بۇگىلە الادى. ەرەكشە قابىلەتىن باعالاعان رەجيسسەرلەر ونى كينوعا دا شاقىرعان. 13 جاستاعى ازامات نۇرقوجا اقتاۋداعى №8 مەكتەپتە وقيدى. اناسىنىڭ ايتۋىنشا، بالاقايدىڭ ونەرىن ءۇش جاسىندا بايقاعان. وسى جاسىندا ءبۇلدىرشىن شپاگاتقا وتىرىپ، بەس جاسىندا اياعىن موينىنا اسىپ قويىپ ءجۇرىپتى.

«تۇندە كەيدە بۇرالىپ ۇيىقتاي بەرەدى. العاشىندا ۇرەيلەنىپ، كەيىن بۇل ارەكەتتەرىن ۆيدەوعا ءتۇسىرىپ، تۋىستارعا جىبەرەتىن بولدىق. ءبىراز جارىستارعا دا قاتىسىپ، تانىلا دا باستادى. ازامات ەڭ العاش 7 جاسىندا «بالانىڭ ءبارى تالانتى» باعدارلاسىنا قاتىسقانى ءۇشىن «ماڭعىستاۋ» تەلەارناسىنىڭ باسشىسىنان العىس حات العان بولاتىن» - دەيدى ازاماتتىڭ اناسى جاننا بايبوزوۆا.

ازامات بولاشاقتا اتاقتى كۇيشى بولۋدى ارماندايدى. وعان بىرنەشە ۇسىنىس تۇسكەن. الايدا ول دومبىرا قۇلاعىندا ويناپ، جوعارعى دەڭگەيدەگى كۇيشى بولعىسى كەلەتىندىگىن جەتكىزدى. ول 2018 -جىلى «بالاپان» تەلەارناسىندا «دارا بالا» تەلەجوباسىنىڭ قاتىسۋشىسى؛ رەسپۋبليكالىق «قازاقستان تالانتتارى» بايقاۋىندا ديپلومانت؛ حالىقارالىق «بالا شابىتى» بايقاۋىندا II ورىن؛ «ۇلى دالا ۇرپاعىمىز» جارىسىندا لاۋرەات؛ «تاڭعى شۇعىلا» بايقاۋىندا «بۋىنسىز بالا» نوميناتسياسىنىڭ I ورىن يەگەرى؛ حالىقارالىق «زۆەزدا ۋداچي» دوداسىنىڭ I ورىن جۇلدەگەرى بولعان.


سوڭعى جاڭالىقتار