كوروناۆيرۋس: ۆاكسينانى سالۋعا بولمايتىن ساناتتار جاريالاندى
«ەڭ الدىمەن انامنەزدەگى اۋىر اللەرگيالىق رەاكسيالار، جۇكتىلىك جانە بالا ەمىزۋ كەزەڭدەرى، 18 جاسقا دەيىنگى بالالار جانە 65 جاستان اسقان قارتتار. قازىرگى ۋاقىتتا اتالعان ساناتتاعى ادامداردى ۆاكسينالاۋ تۋرالى دەرەكتەردىڭ از بولۋىنان، ءبىز وندىرۋشىلەر ۇسىناتىن ماتەريالداردى ۇنەمى زەرتتەپ وتىرامىز جانە وسى ساناتتارعا ۆاكسينالاردى قاۋىپسىز جۇرگىزۋ تۋرالى جاڭا اقپارات تۇسكەن سايىن كورسەتكىشتەر كەڭەيتىلىپ وتىرادى»، - دەدى مارات شورانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ۆيتسە- مينيستر پرەپاراتتى باۋىر مەن بۇيرەكتىڭ سوزىلمالى اۋرۋى بارلارعا، قانت ديابەتى سىندى ەندوكريندىك جۇيەنىڭ ايقىن بۇزىلىسى بايقالعاندارعا ساقتىقپەن قولدانۋ قاجەتتىگىن ەسكەرتتى.
«قان ءتۇزىلۋ جۇيەسىنىڭ اۋىر سىرقاتتارىندا، ەپيلەپسيا، ينسۋلت جانە ورتالىق جۇيكە جۇيەسىنىڭ باسقا اۋرۋلارىندا، جۇرەك- قانتامىر جۇيەسى دەرتتەرىندە، باستاپقى جانە قايتالاما يممۋن تاپشىلىعى مەن اۋتويممۋندى، سونداي- اق، دەمىكپە جانە سوزىلمالى وبسترۋكتيۆتى وكپە اۋرۋلارىندا ساقتىق تانىتۋ قاجەت. ديابەتپەن جانە مەتابوليكالىق سيندروم، اتوپيا مەن ەكزەما اللەرگيالىق رەاكسيالارى، سونداي- اق قاتەرلى ىسىك، قاتەرلى قان اۋرۋلارى بار ناۋقاستارعا ۆاكسينا سالاردا اعزا جاعدايىن جەكەلەي قاراستىرۋ كەرەك. ياعني، بۇل جاعدايلار ءابسوليۋتتى قارسى كورسەتىلىمدەرگە جاتپايدى جانە ۆاكسينالاۋ كەزىندە ءار ناۋقاستىڭ جالپى جاعدايىنا قاراي بايلانىستى دەربەس تاعايىندالۋى ءتيىس»، - دەپ ءتۇسىندىردى م. شورانوۆ.
اۆتور: ايجان سەرىكجان قىزى