رەسەيدە قاۋىپتى ۆيرۋس جۇقتىرۋ سەيىلىپ كەلەدى
كەشە بۇل دەرتتى 18 مىڭداي ادام جۇقتىرعان. بۇل قازان ايىنان بەرگى ەڭ تومەنگى كورسەتكىش. ەكونوميكالىق زەرتتەۋلەر ورتالىعىنىڭ بولجامىنشا، ساۋىرگە قاراي كوروناۆيرۋستى جۇقتىرۋ جانە ودان ءولىم- ءجىتىم كورسەتكىشتەرى ەكى ەسە تومەندەيدى. قازىردىڭ وزىندە رەسەيدىڭ 68 وڭىرىندە قاۋىپتى ۆيرۋستىڭ تارالۋى باسەڭدەپ كەلەدى. بۇل تۇستا ەڭ ءتاۋىر جاعداي ماسكەۋدە تىركەلگەن. ماماندار ۆاكتسينالاۋدىڭ ارقاسىندا رەسەيدە ۇجىمدىق يممۋنيتەت قالىپتاساتىنىنان ءۇمىتتى.
نيكولاي مالىشيەۆ، دارىگەر:
- كەلەسى وقۋ جىلىنا دەيىن حالىقتىڭ شامامەن % 60- ىنە ەكپە سالىنادى. وعان قوسا، اۋرۋدان جازىلىپ، انتيدەنەلەرگە يە بولعان ادامدار بار. ءبىراق وندا دا ماسكا مەن قولعاپ كيىپ، الەۋمەتتىك اراقاشىقتى ساقتاۋعا ءتيىسپىز.
ەپيدەميولوگتار ۇجىمدىق يممۋنيتەت قالىپتاسپايىنشا، شەكتەۋ شارالارىنىڭ كوبى كۇشىندە قالاتىنىن ەسكەرتتى. ياعني كۇزگە دەيىن بارلىعى ماسكا كيۋى ءتيىس. ايتپاقشى، رەسەي شىعارعان العاشقى ۆاكسينانىڭ جاڭا جاناما اسەرى انىقتالىپ وتىر. دەنساۋلىق ساقتاۋ مينيسترلىگى، اۋتويممۋندىق سىرقاتتارعا شالدىققان جانە قاتەرلى ىسىگى بار ناۋقاستارعا بۇل ۆاكسينانى ەگۋ قاۋىپتى ەكەنىن مويىندادى.