پرەزيدەنت جايىلىمدىق جەرلەر اۋىل تۇرعىندارىنا قولجەتىمدى بولۋى كەرەكتىگىن ايتتى

None
None
نۇر-سۇلتان. قازاقپارات – بيىل جەر كودەكسىنىڭ جەكەلەگەن نورمالارىنا جاريالانعان موراتوريدىڭ مەرزىمى اياقتالادى. وسىعان وراي جەر جونىندەگى كوميسسيانىڭ جۇمىسىن قايتا جانداندىرۋ قاجەت.

بۇل تۋرالى قاسىم- جومارت توقايەۆ ۇكىمەتتىڭ كەڭەيتىلگەن وتىرىسىندا ايتتى.

«ۇكىمەتكە بيىلعى قاراشا ايىنا دەيىن جەر كودەكسىنە تۇزەتۋلەر ەنگىزىلۋىن قامتاماسىز ەتۋدى تاپسىرامىن»، - دەدى پرەزيدەنت.

مەملەكەت باسشىسى جايىلىمدار ماسەلەسىنە دە ارنايى توقتالدى. بۇل جەرلەر اۋىل تۇرعىندارىنا قولجەتىمدى بولۋى كەرەكتىگىن ايتتى.

«جەرگىلىكتى اكىمدىكتەر جۇمىستى دۇرىس ۇيىمداستىرماي وتىر. سونىڭ سالدارىنان، اۋىل تۇرعىندارى مال جاياتىن جايىلىم تاپپاي قينالۋدا»، - دەگەندى قوستى ول. سونىمەن قاتار بوس جاتقان جايىلىمداردى مەملەكەتكە قايتارۋ تۋرالى تاپسىرما بەردى: «جايىلىمداردىڭ 99 پروتسەنتى شارۋا قوجالىقتارىنىڭ يەلىگىندە. الايدا ونىڭ 36 پروتسەنتىندە عانا مال جايىلادى. قالعان 46 ميلليون گەكتار جايىلىمدىق جەر بوس جاتىر. ۇكىمەتكە باس پروكۋراتۋرامەن بىرلەسىپ، بيىلعى جىلدىڭ سوڭىنا دەيىن وسىنداي جايىلىمداردى قايتارىپ الۋدى تاپسىرامىن».

سوڭعى جاڭالىقتار