بەيجىڭ ا ق ش- تى «ءبىر قىتاي» پرينتسيپىن ساقتاۋعا شاقىردى

نۇر-سۇلتان. قازاقپارات – ا ق ش «ءبىر قىتاي» جانە تايۆانعا قاتىستى «ءۇش قاعيدا» پرينتسيپتەرىن ساقتاۋى ءتيىس.

قىتايدىڭ سىرتقى ىستەر مينيسترىلىگى وسىنداي مالىمدەمە جاسادى، دەپ حابارلايدى «حابار 24».

بۇعان دەيىن بەيجىڭ ا ق ش مەملەكەتتىك دەپارتامەنتىنەن تايۆانعا اسكەري، ديپلوماتيالىق جانە ەكونوميكالىق قىسىم كورسەتۋدى توقتاتۋدى سۇراعان.

Global Times باسىلىمىنىڭ مالىمەتى بويىنشا وتكەن دەمالىس كۇندەرى قىتاي كۇشتەرى تايۆان ارالىنىڭ وڭتۇستىك- باتىس اۋە كەڭىستىگىندە اسكەري وقۋ- جاتتىعۋ وتكىزگەن. ا ق ش سوڭعى ۋاقىتتا بۇل ايماقپەن قارىم- قاتىناستى كۇشەيتكەن. امەريكانىڭ رەسمي وكىلدەرى تايبەيگە ساپارلاپ، قارۋ- جاراق جەتكىزگەن. ال بيىل قاڭتار ايىنىڭ باسىندا ۆاشينگتون تايۆانمەن ىنتىماقتاستىق بويىنشا بارلىق ىشكى شەكتەۋلەردى الىپ تاستاپ، العاش رەت وسى ايماق وكىلدەرىن پرەزيدەنتتى ۇلىقتاۋ راسىمىنە شاقىردى. بەيجىڭنىڭ تايۆان بويىنشا ۇستانىمى بولسا وزگەرىسسىز. قىتاي بۇل ايماقتى ءوز ەلىنىڭ ءبىر بولىگى دەپ سانايدى. سوندىقتان بەيجىڭ ۆاشينگتوننان تايۆانمەن كەز كەلگەن بايلانىستى توقتاتۋدى سۇراپ وتىر.

جاۋ ليجيان، قىتاي س ءى م رەسمي وكىلى:

- ءبىز ا ق ش- تى «ءبىر قىتاي» جانە قىتاي- امەريكا مالىمدەمەسىندەگى تايۆانعا قاتىستى ءۇش قاعيدانى ساقتاۋعا شاقىرامىز. ۆاشينگتون قىتاي- امەريكا قارىم- قاتىناسى مەن تايۆان بۇعازى ايماعىنداعى بەيبىتشىلىك پەن تۇراقتىلىققا نۇقسان كەلتىرمەۋ ءۇشىن تايۆانعا قاتىستى قاتە نۇسقاۋ كورسەتپەۋى كەرەك.

www.24.kz