الداعى جىلدارى ۇلتتىق بانك جۇمىسىندا قانداي وزگەرىس بولادى
بۇل تۋرالى ۇكىمەتتىڭ كەڭەيتىلگەن وتىرىسىندا ۇلتتىق بانك باسشىسى ەربولات دوسايەۆ ءمالىم ەتتى، دەپ حابارلايدى قازاقپارات ءتىلشىسى.
«2021 -جىلى ۇلتتىق بانكتىڭ 2023 -جىلدان باستاپ ەكونوميكانى قولداۋدىڭ مەملەكەتتىك باعدارلامالارىنان كەزەڭ- كەزەڭىمەن شىعۋىن ەسكەرە وتىرىپ، ەكونوميكانى كرەديتتەۋدىڭ نارىقتىق قاعيداتتارىن دامىتۋ ءۇشىن قاجەتتى جاعدايلار جاسالاتىن بولادى»، - دەدى ە. دوسايەۆ.
ۇب مالىمەتىنشە، ەكونوميكاعا كرەديتتەر 2020 -جىلى ۇزاق مەرزىمدى كرەديتتەردىڭ ءوسۋى ناتيجەسىندە 14,6 تريلليون تەڭگەگە دەيىن 5,5 پايىزعا ۇلعايدى. اقشا- كرەديت تالاپتارىنىڭ جەڭىلدەۋىنە قاراي جانە ەكونوميكانى قولداۋ باعدارلامالارى ەسەبىنەن ەكونوميكانىڭ ناقتى سەكتورىنا كرەديتتىك رەسۋرستاردىڭ قۇنى 11,4 پايىزعا دەيىن تومەندەپ كەلەدى.
«كاسىپورىندارعا كرەديتتەر ءبىر جىل ىشىندە 1,5 پايىزعا ازايعانمەن، شاعىن بيزنەسكە كرەديتتەر 19,3 پايىزعا نەمەسە 406,4 ميلليارد تەڭگەگە ارتتى. حالىققا كرەديتتەر يپوتەكالىق كرەديتتەر پورتفەلىنىڭ 34,3 پايىزعا نەمەسە 606 ميلليارد تەڭگەگە ۇلعايۋى ەسەبىنەن 13,0 پايىزعا ءوستى»، - دەدى ۇلتتىق بانك ءتوراعاسى.