ترامپ جەكە كەڭسەسىن اشتى

نۇر-سۇلتان. قازاقپارات - دونالد ترامپ فلوريدادا ءوز كەڭسەسىن اشتى، دەپ حابارلايدى «حابار 24». ونىڭ اكىمشىلىگى ترامپ مىرزاعا بۇرىنعى پرەزيدەنت رەتىندە ءوز مىندەتتەرىن اتقارۋعا، رەسمي ءىس- شارالاردى جۇرگىزۋگە كومەكتەسەدى.

اق ءۇيدىڭ بۇرىنعى باسشىسى قوشتاسۋ سوزىندە ساياسي قىزمەتىن جالعاستىراتىنىن ەسكەرتكەن بولاتىن. ءبىراق ا ق ش كونگرەسىنىڭ وكىلدەرى پالاتاسى، يمپيچمەنت بويىنشا داۋىس بەرىپ، ءتيىستى قۇجاتتى سەناتقا جىبەردى. سەنات كونگرەسمەندەرى ونى كەلەسى ايدا قاراۋى ءتيىس. دونالد ترامپ 6-قاڭتاردا كاپيتوليگە جاسالعان شابۋىل كەزىندە جاقتاستارىن بۇلىككە ارانداتتى دەپ ايىپتالىپ وتىر. ەگەر سەنات يمپيچمەنت جاريالاۋ تۋرالى ۇكىم شىعارسا، ترامپ مىرزا پرەزيدەنتتىككە ءوز كانديداتۋراسىن ۇسىنىپ، مەملەكەتتىك قىزمەت اتقارا المايدى.

www.24.kz