12:15, 26 - قاڭتار 2021 | GMT +6
قاسىم-جومارت توقايەۆ اكىمدەرگە: ۆاكسيناتسيا ماسەلەسىندە دۇربەلەڭگە جول بەرمەۋ كەرەك
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ دەنساۋلىق ساقتاۋ ءمينيسترى مەن ءوڭىر اكىمدەرىنە حالىقتى جاپپاي ۆاكسينالاۋ ماسەلەسىنە باسا ءمان بەرۋدى تاپسىردى، دەپ حابارلايدى قازاقپارات ءتىلشىسى.
«بۇل ماسەلە بويىنشا تەك دەنساۋلىق ساقتاۋ ءمينيسترى عانا ەمەس، اكىمدەردىڭ ءبارى مىنا جايدى ەسكەرۋى كەرەك: جالپىعا ورتاق ۆاكسيناتسيا - وتە ماڭىزدى ماسەلە. بىزگە ازاماتتاردى ۆاكسيناتسيادان وتكىزۋدە وتە سالماقتى، ويلاستىرىلعان، قىر-سىرى ەسكەرىلگەن جوسپار كەرەك. دۇربەلەڭ بولماس ءۇشىن ول سالادا ەسكەرەتىن وتە كوپ نيۋانس بار. ۆاكسيناتسيا ەپيدەميولوگيالىق احۋالدى تۇزەۋى كەرەك. الدا جۇمىس كوپ»، - دەدى قاسىم-جومارت توقايەۆ.
ەسكە سالا كەتسەك، مەملەكەت باسشىسى قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر. ونلاين فورماتتاعى جيىندا ەلدىڭ الەۋمەتتىك- ەكونوميكالىق دامۋىنىڭ 2020 -جىلعى قورىتىندىلارى مەن الداعى جوسپارى تالقىلانۋدا.