وليمپيادا ۋاقىتىندا وتەدى - توماس باح
قازاقستان ۇلتتىق وليمپيادا كوميتەتىنىڭ باسشىلىعى دا ونلاين كەزدەسۋگە قاتىستى. كۇن تارتىبىندە وتە ماڭىزدى ماسەلەلەر قارالدى. ەكى ساعاتتان اسا ۋاقىت بويى قاتىسۋشىلار عالامدىق پاندەميا، سپورتشىلاردى ۆاكتسينالاۋ، ب ۇ ۇ رەزوليۋتسياسى مەن الداعى توكيو-2020 جانە بەيجىڭ-2022 وليمپيادالارىنا دايىندىقتى تالقىلادى.
جيىن بارىسىندا ءسوز العان توماس باح 2021-جىلدىڭ قاربالاسقا تولى بولاتىنىن اتاپ ءوتتى.
ويتكەنى، توكيوداعى وليمپ ويىندارىنان كەيىن 6 اي وتكەن سوڭ قىسقى وليمپيادا باستالادى. مۇنداي جايت تاريحتا العاش رەت ورىن الماق. قازىرگى ساتتە ح و ك ەكى ءىرى سپورت شاراسىنا تولىققاندى دايىندىق جۇرگىزۋدە.
توماس باح 2020-جىلعى توكيو وليمپياداسى قارساڭىنداعى ءتۇرلى سىبىستار مەن قاۋەسەتتەرگە تويتارىس بەرۋ ءۇشىن وليمپيادا قوزعالىسىنىڭ بىرلەسىپ جۇمىس ىستەۋى قاجەتتىگىنە ەرەكشە توقتالىپ ءوتتى.
«قازىر وليمپيادا قوزعالىسىنىڭ بار نازارى 2020-جىلعى توكيو ويىندارىنا باعىتتالعان. 21- قاڭتاردىڭ كەشى مەن 22- قاڭتار كۇنگى جاڭالىقتاردا جاپونيانىڭ وليمپيادانى وتكىزۋدەن باس تارتاتىنى تۋرالى ارانداتۋشىلىق باعىتتاعى جازبالار كوپ بولدى. ءبىراق بۇل جالعان اقپارات. مەن بارشاڭىزدى تەك قانا رەسمي دەرەككوزدەر مەن ح و ك- تىڭ رەسمي مالىمدەمەسىنە سەنۋگە شاقىرامىن. 22- قاڭتار كۇنى جاپونيا بيلىگىمەن تەلەفون ارقىلى سويلەستىم، ولار جاپونيا بيلىگى اتىنان رەسمي مالىمدەمە مۇلدە بولماعانىن ايتتى. تاعى دا قايتالاپ ايتامىن، وليمپيادا ويىندارى مەن بارلىق جارىستار جانە ءىس- شارالار جوسپارلانعان ۋاقىتىندا وتەدى. وسى سالاعا قىزىعۋشىلىق تانىتقان تاراپتاردىڭ ءبارى دە ويىندى ءساتتى وتكىزۋ ءۇشىن تىنىمسىز ەڭبەكتەنۋدە. سوندىقتان، «ب» جوسپارىن ويلاستىرۋعا نەگىز جوق. جاپونيا ناقتى قادامدار ارقىلى بۇل ويىندى وتكىزۋگە دايىن ەكەنىن بارشامىزعا كورسەتتى. سونداي-اق، ەلدەگى ساياسي پىكىرتالاستارعا قاراماستان، قىتاي دا قىسقى ويىنداردى وتكىزۋگە ءازىر»، - دەدى ح و ك پرەزيدەنتى.
ح و ك باسشىسى وليمپيادا ويىندارىنا قاتىسۋشىلاردى ۆاكتسيناتسيالاۋ تۋرالى دا ايتتى. توماس باح وسى سۇراققا قاتىستى ۇلتتىق وليمپيادا كوميتەتتەرىنە كومەكتەسۋگە ۋادە بەرىپ، بارلىق سپورتشىلاردى ۆاكتسينا قابىلداۋعا شاقىردى. الايدا، ۆاكتسيناتسيالاۋ ءار سپورتشىنىڭ ەركى بويىنشا جۇرگىزىلەدى. بۇكىلالەمدىك دەنساۋلىق ساقتاۋ ۇيىمى جاپونيا جانە ح و ك- پەن بىرلەسە وتىرىپ كوروناۆيرۋسقا قارسى شارالار تىزبەگىن جەتىلدىرۋدە.
وسى ورايدا، سپورتشىلاردىڭ كەلۋى، ولاردىڭ قوزعالىسى، تەستىلەۋدى ۇيىمداستىرۋ جانە جارىسقا قاتىسۋعا دەيىنگى بارلىق اسپەكتىلەر ەسەپكە الىنعان. جاپونيا بيلىگى جارىس كەزىندە كورەرمەندەر مەن جانكۇيەرلەردى تريبۋناعا كىرگىزۋ ماسەلەسىن مۇقيات زەرتتەۋدە. توماس باح بارلىق ساۋالدار مەن مامان كەڭەستەرىن تالقىلاعان سوڭ، ح و ك ءوز ۇسىنىسىن جەتكىزەتىنىن مالىمدەدى.
«جاپونيا وليمپيادا ويىندارىن اسىعا كۇتۋدە. وليمپيادانىڭ باستالۋىنا بار بولعانى التى اي قالدى. دايىندىق قارقىندى ءجۇرىپ جاتىر، ءار مينۋت سايىن ىلگەرىلەۋ بايقالادى. جاپونيا بيلىگىنىڭ ويىننان باس تارتاتىنى تۋرالى جاقىندا شىققان جاڭالىق - جالعان اقپارات. ءبىز كۇن سايىن ءتۇرلى حالىقارالىق جانە جەرگىلىكتى ۇيىمدار مەن سپورتشىلاردان قولداۋ حاتىن الامىز. بىزگە مۇنداي قولداۋ اسا قاجەت. بىزگە ءارقايسىڭىزدىڭ قولداۋىڭىز كەرەك. وسىدان-اق ويىننىڭ قۇندىلىعى ارتا تۇسەدى. ءبارىمىزدىڭ ماقساتىمىز ورتاق»، - دەدى جاپونيا ۇلتتىق وليمپيادا كوميتەتىنىڭ پرەزيدەنتى ياسۋحيرو ياماشيتا.
ح و ك باسشىسى ناۋرىز ايىندا وتەتىن ح و ك- تىڭ 137-سەسسياسى 2020-جىلعى وليمپ ويىندارىنا دايىندىقتىڭ اياقتالۋى مەن كوۆيد كەزەڭىندەگى وليمپيادالىق قوزعالىستىڭ بولاشاعىنا باعىتتالاتىنىن ايتتى.
سەسسيا اياقتالعان سوڭ ۇلتتىق وليمپيادا كوميتەتتەرىمەن تاعى ءبىر كەزدەسۋ وتكىزۋ جوسپارلانعان. قازاقستان ۇلتتىق وليمپيادا كوميتەتى سپورتشىلاردىڭ دەنساۋلىعى مەن قاۋىپسىزدىگىنە قاشاندا باسىمدىق بەرەدى. قازىرگى ساتتە كوميتەت قازاقستان ۇلتتىق فەدەراتسيالارىمەن بىرلەسە وتىرىپ، الداعى وليمپيادا ويىندارىنا دايىندىقتى جالعاستىرۋدا.