+7 (701) 759 90 19
-18 °С : نۇر-سۇلتان
1 °С : الماتى
USD 415.57 EUR 505.37
RUB 5.65 CNY 64.47
جاڭالىقتار

دۇرىس ۇيىقتاماۋدىڭ زاردابىن تارتقىڭىز كەلمەسە

25 قاڭتار 22:46
:ءبولىسۋ
دۇرىس ۇيىقتاماۋدىڭ زاردابىن تارتقىڭىز كەلمەسە

نۇر-سۇلتان. قازاقپارات - ا ق ش- تاعى وگايو ۋنيۆەرسيتەتىنىڭ عالىمدارى دۇرىس ۇيىقتاماۋدىڭ زاردابى قالاي بولاتىنىن انىقتادى.

بۇل جايلى ۋنيۆەرسيتەت سايتى حابارلادى.

ۋنيۆەرسيتەت ماماندارىنىڭ ايتۋىنشا، تۇندە دۇرىس ۇيىقتاماعان، ۇيقىسى قانباعان ادام كەيىن باس اۋرۋىنا شالدىعادى. باس ساقيناسى ءجيى ۇستايدى.

ماماندار امەريكانىڭ كوللەدجى مەن اكادەميالارىندا ءبىلىم الىپ جاتقان 31 مىڭ سپورتشىنى تەكسەرگەننەن كەيىن وسىنداي تۇجىرىم شىعارعان. دەنى ساۋ سپورتشىلاردىڭ كوبى باسى اۋىراتىنىن، جارىققا قاراي الماي كوزى اۋىراتىنىن ايتقان. بۇل - مي زاقىمدانعاندا پايدا بولاتىن اۋرۋ بەلگىلەرى.

الايدا سپورتشىلار اراسىندا مي زاقىمىن العاندار از. زەرتتەۋشىلەر تاجىريبەگە قاتىسقانداردىڭ جالپى بەلگىلەرىن سالىستىرادى. ەڭ ءجيى كەزدەسكەن سەبەپ - ۇيقىنىڭ قانباۋى بولعان.

زەرتتەۋشىلەردىڭ ايتۋىنشا، تۇندە دۇرىس ۇيىقتاماعان ادامنىڭ دەنساۋلىعى ناشارلايدى.

«دەنساۋلىعى ناشارلاپ، كۇيزەلىسكە جانە باسقا اۋرۋلارعا شالدىعۋى مۇمكىن»، - دەيدى زەرتتەۋدىڭ جەتەكشى اۆتورى، دوتسەنت جاكلين كاچچەزە (Jaclyn Caccese).

ال كازاريان اتىنداعى ەپيلەپتولوگيا جانە نيەۆرولوگيا ورتالىعىنىڭ سومنولوگ-دارىگەرى يرينا زاۆالكونىڭ ايتۋىنشا، دۇرىس ۇيىقتاماعان ادامنىڭ يممۋنيتەتى تومەندەپ، جۇقپالى اۋرۋلارعا توتەپ بەرە المايتىن كورىنەدى. تۇندە ۇيىقتامايتىن ادامدار جۇرەك-قان اۋرۋلارىنا ءجيى شالدىعادى، كوڭىل-كۇيى ناشارلايدى.

massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات