قازاقستاندا كوروناۆيرۋسقا قارسى ۆاكتسيناتسيالاۋ ءۇش كەزەڭدە جۇرگىزىلەدى

نۇر-سۇلتان. قازاقپارات - قازاقستاندا كوروناۆيرۋسقا قارسى ۆاكتسيناتسيالاۋ شارالارى ءۇش كەزەڭدە جۇرگىزىلەدى.

بۇل تۋرالى قازاقپارات دەنساۋلىق ساقتاۋ مينيسترلىگىنە سىلتەمە جاساپ حابارلايدى.

1- اقپاندا باستالاتىن ءبىرىنشى كەزەڭدە ينفەكتسيالىق اۋرۋحانا، جەدەل مەديتسينالىق جاردەم، رەانيماتسيا جانە قابىلداۋ بولمەلەرى، سانەپيدقىزمەتتىڭ مەديتسينا قىزمەتكەرلەرى ۆاكتسيناتسيالانا الادى.

1- ناۋرىزدا باستالاتىن ەكىنشى كەزەڭدە جالپى ءبىلىم بەرەتىن مەكتەپتەردىڭ، ج و و- دىڭ، پەداگوگتەر، مەديتسينالىق قىزمەت قىزمەتكەرلەرى.

1- ساۋىردەن باستاپ ءۇشىنشى كەزەڭدە: مەكتەپ-ينتەرناتتاردىڭ، مەكتەپكە دەيىنگى بالالار مەكەمەلەرىنىڭ پەداگوگتارى، ستۋدەنتتەر جانە سوزىلمالى اۋرۋلارى بار ادامدار ەگۋ سالدىرادى.

يممۋنداۋ الدىندا:

- ەگۋ سالدىراتىن ادامعا پروفيلاكتيكالىق ەگۋ، ىقتيمال رەاكسيالار مەن كەرى اسەرى، سونداي-اق ەگۋدەن باس تارتۋ سالدارى تۋرالى تولىق اقپارات بەرىلەدى؛

- ەرىكتى تۇردە اقپاراتتاندىرىلعان كەلىسىم نەمەسە باس تارتۋ قاعازى رەسىمدەلەدى (ق ر د س م 13.06.2018 ج. 361№ بۇيرىعىمەن بەكىتىلگەن «حالىققا پروفيلاكتيكالىق ەگۋلەردى جۇرگىزۋ بويىنشا سانيتاريالىق-ەپيدەميولوگيالىق تالاپتار» ب ك 1-قوسىمشاسىنا سايكەس).

- ادىستەمەلىك ۇسىنىمدارعا 2-قوسىمشاعا سايكەس ەگىلگەندەرگە ساۋالناما جۇرگىزىلەدى. ايەلدەرگە ۆاكتسينا سالماس بۇرىن جۇكتى ەمەس پە، بالا ەمىزبەي مە، سونى انىقتاۋ قاجەت (كۇماندى جاعدايدا جۇكتىلىككە تەست پايدالانۋدى جانە/نەمەسە ۆاكتسيناتسيالاۋ مەرزىمىن اۋىستىرۋدى ۇسىنۋ).

سونىمەن قاتار، ۆاكتسيناتسيانىڭ قاۋىپسىز ەكەنىن ەسكەرگەن دۇرىس. كەز كەلگەن ليتسەنزياسى بار ۆاكتسينا بىرنەشە ساتىدان تۇراتىن ءجىتى تەكسەرىستەن وتەدى، سودان كەيىن عانا پايدالانۋعا رۇقسات ەتىلەدى.

ۆاكتسينا نارىققا تۇسكەنەن كەيىن دە ۇنەمى باقىلاۋدا بولادى. ەسكە سالساق، بۇعان دەيىن قازاقستاندا كوروناۆيرۋسقا قارسى ۆاكتسينا 1- اقپاننان باستاپ ەگىلەتىندىگى حابارلاندى.

سونىمەن قاتار 18 جاسقا تولماعان بالالار مەن 65 جاستان اسقان ادامدارعا ۆاكتسينانىڭ تيىمدىلىگى مەن قاۋىپسىزدىگى تۋرالى مالىمەت جوق، سوندىقتان بۇل جاستاعىلارعا ەكپە سالىنبايدى.