الماتىدا كوروناۆيرۋسقا قارسى ۆاكسيناتسيا قالاي جۇرگىزىلەتىنى ايتىلدى
ونىڭ ايتۋىنشا، ەمحانا رەسەيلىك ۆاكسينانى قابىلداۋعا دايىن.
«ءبىزدىڭ ەمحانادا 460 ادام جۇمىس ىستەيدى، ونىڭ ىشىندە 270 ادامدى ەكپەمەن قامتۋ جوسپارلانعان. ۆاكسيناتسيا جاساۋ ءۇشىن ەمحانادا ەكى ەگۋ بولمەسى، 2 دارىگەر، ەكى مەيىربيكە جانە ەكى تىركەۋشى دايىندالعان. ەگۋ بولمەسى سانيتارلىق- ەپيدەميولوگيالىق تالاپتارعا ساي»، - دەيدى دارىگەر.
سونىمەن قاتار، ول ۆاكسينا سالۋدىڭ ءبىرىنشى كەزەڭىندە، ياعني 1 - اقپاننان باستاپ كىمدەرگە ەكپە سالىناتىنىن ايتتى.
«1 - اقپاننان باستاپ ينفەكسيالىق اۋرۋلاردىڭ جەدەل مەديتسينالىق كومەك، رەانيماتسيا بولىمشەسى، قابىلداۋ بولىمشەسىنىڭ قىزمەتكەرلەرى، سانەپيد قىزمەتكەرلەرى الادى. ەكىنشى كەزەڭ بويىنشا 2 - ناۋرىزدان باستاپ ەكپە سالىنادى. ول كەزدە جالى ءبىلىم بەرەتىن مەكتەپ، جوعارى جانە ارناۋلى ورتا ءبىلىم بەرەتىن وقۋ ورىندارىنىڭ مۇعالىمدەرى، مەديتسينالىق قىزمەتكەرلەرگە ەكپە سالىنادى»، - دەيدى زارينا التىنبەكوۆا.
ءۇشىنشى كەزەڭ بويىنشا ەكپە 1 - ساۋىردەن باستاپ سالىنادى. «ول كەزدە مەكتەپ- ينتەرنات مۇعالىمدەرى، مەكتەپكە دەيىنگى مەكەمە قىزمەتكەرلەرى، ستۋدەنتتەر مەن سوزىلمالى اۋرۋى بار ناۋقاستارعا سالىنادى. 1 - اقپانعا دەيىن سۋىق تىزبەكتى ساقتاي وتىرىپ (وندىرۋشىدەن تۇتىنۋشىعا دەيىن) ۆاكسينانىڭ ەمحاناعا ءتۇسۋى جوسپارلانۋدا. ۆاكسينانى تاسىمالداۋ جانە ساقتاۋ ءۇشىن ەمحانادا جەتكىلىكتى مولشەردە مۇزداتقىش كامەرالار مەن حلادوەلەمەنتتەرىمەن تەرموكونتەينەرلەر بار»، - دەيدى سپيكەر.
دارىگەردىڭ ايتۋىنشا، قازاقستاندا كوروناۆيرۋسقا قارسى ۆاكسيناتسيا مەملەكەت ەسەبىنەن جۇرگىزىلەدى. ياعني، تەگىن.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە سايكەس ءاربىر ازامات جازباشا تۇردە ۆاكسيناتسيادان باس تارتۋعا قۇقىلى. ۆاكسيناتسيا ەكى كەزەڭدە جۇرگىزىلەدى:
I كومپونەنتىمەن 0,5 م ل دوزادا، سودان كەيىن 21- كۇنى II كومپونەنتىمەن 0,5 م ل دوزادا. كۆيد-19-عا قارسى ۆاكسيناتسيانى 18 جاستان اسقان ەرەسەكتەردە كۆيد-19-عا قارسى ۆاكسيناتسيا جۇرگىزۋدى جۇزەگە اسىراتىن مەديتسينا قىزمەتكەرلەرىنىڭ ءىس- قيمىل الگوريتمى بويىنشا ەرىكتى كەلىسىمىمەن مەديتسينالىق قارسى كورسەتىلىمدەرى جوق ازاماتتارعا جۇرگىزەدى» - دەيدى ول.
قولدانۋعا قارسى كورسەتكىشتەر:
- قۇرامىندا وسىعان ۇقساس كومپونەنتتەرى بار ۆاكسينانىڭ نەمەسە ۆاكسينانىڭ قانداي دا ءبىر كومپونەنتىنە اسا جوعارى سەزىمتالدىق؛
- انامنەزدەگى اۋىر اللەرگيالىق رەاكسيالار؛
- ءجىتى ينفەكسيالىق جانە ينفەكتسيالىق ەمەس اۋرۋلار، سوزىلمالى اۋرۋلاردىڭ ءورشۋى؛
- جۇكتىلىك جانە ەمشەك ەمىزۋ كەزەڭى؛
-18 جاسقا دەيىنگى جاسقا. سونىمەن قاتار، ول ۆاكسيناتسيا جۇرگىزۋدىڭ شارتتارىن اتادى.
«ەڭ الدىمەن ەمحاناعا جۇگىنۋ قاجەت، پاتسيەنتتىڭ ساۋالناماسىن تولتىرۋ جانە اقپاراتتاندىرىلعان ەرىكتى كەلىسىم بەرۋ قاجەت. وڭ ەپيدەميولوگيالىق انامنەز بولعان كەزدە (سوڭعى 14 كۇن ىشىندە ينفەكتسيالىق اۋرۋلارمەن اۋىراتىن ناۋقاستارمەن بايلانىس)، سونداي- اق سوڭعى 14 كۇن ىشىندە اۋرۋ بەلگىلەرى بولعان كەزدە SARS-Соv-2 كوروناۆيرۋسىنىڭ بولۋىنا پ ت ر- تەستىلەۋ جۇرگىزىلەدى»، - دەدى دارىگەر.
ايتا كەتەيىك، СОVID-19 اۋىرىپ جازىلعان ادامدار جانە SARS-Соv-2 ۆيرۋسىنا G جانە م كلاستى يممۋنوگلوبۋليندەردىڭ بولۋىنا وڭ ناتيجەلەرى بار ادامدار ەگىلمەيدى. ۆاكسيناتسياعا دەيىن دارىگەردىڭ مىندەتتى تەكسەرۋى جۇرگىزىلەدى. دارىگەرلەر پاتسيەنتكە ۆاكسيناتسيادان كەيىنگى اسقىنۋلار تۋرالى ەسكەرتەدى جانە اقپاراتتىق ماتەريالمەن جادىناما بەرەدى.
ۆاكسيناتسيادان كەيىن پاتسيەنت 30 مينۋت بويى مەديتسينالىق پەرسونالدىڭ باقىلاۋىندا بولۋى ءتيىس. كەلەسى ءۇش كۇن ىشىندە قىسقا مەرزىمدى جالپى (تۇماۋعا ۇقساس سيندروم، دەنە قىزۋىنىڭ كوتەرىلۋى، دىمكاستىك، باس اۋىرۋى) جانە جەرگىلىكتى رەاكسيالار (ينەكتسيا ورنىنداعى اۋىرسىنۋ، ءىسىنۋ) دامۋى مۇمكىن.
II كەزەڭ الدىندا قايتا تەكسەرۋ جۇرگىزىلەدى. دارىگەر II كومپونەنتىمەن ۆاكسيناتسياعا قارسى كورسەتىلىمدەردىڭ بولماۋىن نەمەسە بولۋىن انىقتايدى. ەسكە سالساق، قازاقستاندا كوروناۆيرۋسقا قارسى ۆاكسينا سالۋ 1 - اقپاننان باستالادى.
اۆتور: الما مۇقانوۆا