جاڭا زەلانديادا ەكى ايدا ءبىر ادام عانا كوروناۆيرۋس جۇقتىرعان

نۇر-سۇلتان. قازاقپارات – جاڭا زەلانديالىق 56 جاستاعى ايەل جاقىندا ەۋروپاعا بارىپ كەلگەن، سودان كەيىن 2 رەت تەست الىنىپ، كوروناۆيرۋس انىقتالعان سوڭ وقشاۋلاۋ ورتالىعىنا جاتقىزىلدى.

جاڭا زەلانديادا ىندەت سوڭعى رەت 21 - قاراشادا انىقتالعان ەدى.

كريس حيپكينس، جاڭا زەلانديانىڭ COVID-19-عا جاۋاپتى ءمينيسترى:

- ناۋقاستىڭ كوروناۆيرۋستىڭ قانداي شتامىنا شالدىققانى ازىرگە بەلگىسىز. ونىمەن ارالاسقان باسقا ادامداردان دا تەست الىنىپ، بارلىعى كارانتينگە جابىلدى. بۇكىل ەل بويىنشا دابىل قاعۋعا ءالى ەرتەرەك. ءبىراق حالىققا ءتيىستى اقپاراتتى جەدەل جەتكىزىپ وتىرامىز. تۇرعىندارعا ايتار ءوتىنىشىم، دەنساۋلىعىڭىزدان كىنارات شىعىپ، ءوزىڭىزدى جايسىز سەزىنە باستاساڭىز، تەز ارادا تەست تاپسىرىپ، ناتيجەسى بەلگىلى بولعانشا ۇيدە وتىرىڭىز.

www.24.kz