ۆەنەسۋەلا «سپۋتنيك ۆ» ۆاكسيناسىن سىناۋ ناتيجەلەرىن جاريالادى
بۇل تۋرالى جەكسەنبى كۇنى وڭتۇستىك امەريكا ەلىندەگى ۆاكسينانىڭ زەرتتەلۋىن باسقاراتىن ۆەنەسۋەلالىق دارىگەر الەكسيس گارسيا پينەرا ءمالىم ايتتى، دەپ حابارلايدى قازاقپارات.
«العاشقى دوزانى 200 دەن استام ەرىكتى، ونىڭ ەكى كومپونەنتى 40 ادام قابىلدادى»، - دەدى دارىگەر ۆەنەسۋەلا پرەزيدەنتى نيكولاسا مادۋرونىڭ Twitter دەگى پاراقشاسىندا جاسالعان ترانسلياتسيا بارىسىندا.
ونىڭ ايتۋىنشا، ەرىكتىلەردە تۇماۋراتۋ، باس اۋرۋى نەمەسە ەگپە ورنىنىڭ اۋىرسىنۋى سەكىلدى تەك جەڭىل اسقىنۋ انىقتالعان. پينەرا سونىمەن قاتار ەلدە «اۋىر اسقىنۋ نەمەسە ەرىكتىنىڭ ءولىمى» تىركەلمەگەنىن ايتتى.
« ءبىزدىڭ ناتيجەلەرىمىز عىلىمي جاريالانىمداردا جانە رەسەي مەن ارگەنتيناداعى ۆاكسيناتسيا ناتيجەلەرىمەن سايكەس كەلەدى»، - دەدى دارىگەر.
بىلتىر جەلتوقسان ايىندا وڭتۇستىك امەريكا ەلىنىڭ ۆيتسە- پرەزيدەنتى دەلسي رودريگەس رەسەي تاراپىمەن كوروناۆيرۋسقا قارسى «سپۋتنيك V» ۆاكسيناسىنىڭ 10 ميلليون دوزاسىن جەتكىزۋ تۋرالى كەلىسىمگە قول قويدى. ال، بۇعان دەيىن كاراكاس كلينيكالىق زەرتتەۋدىڭ ءۇشىنشى كەزەڭىنە قاتىسۋ ءۇشىن رەسەيلىك ۆاكسينانىڭ 2 مىڭ دوزاسىن العانى حابارلانعان بولاتىن.
اۆتور: اياۋلىم التىنبەك