بيىل «جۇرتقا جاقىن پوليتسيا» قاعيداتى جۇزەگە اسىرىلادى – ءى ءى م

نۇر-سۇلتان. قازاقپارات - بيىل جۇرتقا جاقىن پوليتسيا قاعيداتىن ىسكە اسىرۋ جىلى بولادى.

بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.

«2021 -جىل قۇقىق بۇزۋدىڭ الدىن الۋ جانە جۇرتقا جاقىن پوليتسيا قاعيداتىن ىسكە اسىرۋ جىلى بولادى. بۇل تۋرالى ءىىم باسشىسى ەرلان تۇرعىمبايەۆ ۆەدومستۆونىڭ القا وتىرىسىندا مالىمدەدى. مەملەكەت باسشىسى وتكەن جىلعى 1-قىركۇيەكتەگى قازاقستان حالقىنا جولداۋىندا ىشكى ىستەر مينيسترلىگىنە جەرگىلىكتى پوليتسيا قىزمەتىن رەفورمالاۋدى تاپسىردى. جاڭا جىلدىڭ باسىنان باستاپ جەرگىلىكتى پوليتسيا قىزمەتىن رەفورمالاۋ جونىندەگى 2021-2022 -جىلدارعا ارنالعان جوسپار كۇشىنە ەندى»، - دەدى نۇردىلدا وراز ۆەدومستۆونىڭ باسپا ءسوز قىزمەتى الاڭىندا وتكەن بريفينگ بارىسىندا.

ونىڭ ايتۋىنشا، قازاقستاندىق پوليتسيانى جۇمىستىڭ سەرۆيستىك مودەلىنە كوشىرۋ ءۇشىن «قاۋىپسىزدىكتى قامتاماسىز ەتۋدەگى سەرۆيستىك تاسىلدەر» ىلكى جوباسى ىسكە قوسىلعان. ول قۇقىق بۇزۋ سەبەپتەرى مەن جاعدايلارىن تالداۋدى، ولاردى جويۋ بويىنشا ۇسىنىس ازىرلەۋدى، سونداي-اق حالىقتى قۇقىق بۇزۋدىڭ الدىن الۋ پروتسەسىنە تارتۋدى كوزدەيدى.

«مينيستر اتاپ وتكەندەي، سەرۆيستىك مودەلگە كوشۋ جانە «جۇرتقا جاقىن پوليتسيا» قاعيداتىن ىسكە اسىرۋ - ۆەدومستۆونىڭ ماڭىزدى باسىمدىقتارى بولىپ سانالادى. بۇل جۇمىستا نەگىزگى ءرول قۇقىق بۇزۋشىلىقتاردىڭ الدىن الۋ سالاسىنداعى نەگىزگى بۋىن رەتىندە ۋچاسكەلىك پوليتسيا ينسپەكتورلارى قىزمەتىنە بەرىلەدى. ىشكى ىستەر مينيسترلىگىنىڭ حابارلاۋىنشا، ۋچاسكەلىك پوليتسيا قىزمەتكەرى ازاماتتار ءۇشىن تانىمال، قول جەتىمدى، بەدەلدى بولۋى كەرەك. ولاردىڭ قۇقىقتارىن بەلسەندى قورعاۋى ءتيىس»، - دەدى رەسمي وكىل.

اۆتور: مارلان جيەمباي