قازاقستاندا بالانىڭ قايدا جۇرگەنىن انىقتايتىن جۇيە ىسكە قوسىلادى
بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.
«بيىل مينيسترلىك تاراپىنان جۇزەگە اسىرىلاتىن ىلكى جوبالارعا توقتالىپ وتسەم. بۇل - بالانىڭ جۇرگەن جەرىن انىقاۋعا مۇمكىندىك بەرەتىن «تاپ مەنى» بالالاردىڭ قاۋىپسىزدىك جۇيەسى. ول - Bluetooth جەلىسىندە جۇمىس ىستەيتىن ترەكەرلەردى مونيتورينگىلەيتىن موبيلدى قوسىمشا. قوسىمشا اتا- انالاردىڭ سمارتفونىنا ورناتىلادى. ال ترەكەردى بالانىڭ كيىمىنە نەمەسە مەكتەپ سومكەسىنە جاپسىرىپ قويۋعا بولادى»، - دەدى ول ۆەدومستۆونىڭ باسپا ءسوز قىزمەتى الاڭىندا وتكەن بريفينگ بارىسىندا.
نۇردىلدا ورازدىڭ اتاپ وتۋىنشە، بالامەن بايلانىس جوعالعان جاعدايدا اتا-انالارى قوسىمشانىڭ ترەكەر شامشىراعىن ىزدەۋ رەجيمىن قوسادى.
«سونىمەن قاتار جۇيە جەدەل باسقارۋ ورتالىعىمەن ىقپالداستىرىلعان. دەمەك، بالانى ىزدەۋ تۋرالى دابىل اۆتوماتتى تۇردە پوليتسياعا دا تۇسەدى»، - دەدى نۇردىلدا وراز.
اۆتور: مارلان جيەمباي