11:04, 25 - قاڭتار 2021 | GMT +6
بۋراباي ۇلتتىق پاركىندە ءبىر توپ جابايى قابان فوتوتۇزاققا ءتۇسىپ قالدى
بۋراباي. قازاقپارات - بۋراباي ۇلتتىق تابيعي پاركىندە جابايى قاباندار ءۇيىرى فوتوتۇزاققا ءتۇسىپ قالدى، دەپ حابارلايدى قازاقپارات.
جانۋارلاردىڭ ۆيدەوسىن قازاقستان پرەزيدەنتىنىڭ تەلەراديوكەشەنى جاريالادى. بىرەگەي كادرلار بۋراباي ۇلتتىق پاركىندەگى فوتوتۇزاقتى تەكسەرۋ كەزىندە الىنعان. ايتا كەتەيىك، جابايى قاباندار ادەتتە توپتاسىپ ءومىر سۇرەدى. بۋرابايداعى ءبىر توپ قاباننىڭ اراسىندا ونشاقتى توراي جۇرگەنى بايقالادى. ەسكە سالا كەتەيىك، بىلتىر كۇزدە جابايى قاباندار نۇر- سۇلتاننىڭ ورتاسىندا دا كوزگە تۇسكەن بولاتىن. ورمان شارۋاشىلىعى جانە جانۋارلار الەمى كوميتەتىنىڭ مالىمەتىنە سەنسەك، اقمولا وبلىسى توڭىرەگىندە 2500 گە جۋىق جابايى شوشقا بار.