+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

«ءال- فارابي» عىلىمي- تەحنولوگيالىق القابىن قۇرۋ جونىندەگى ينۆەستيتسيالىق جوبا قولعا الىندى

25 قاڭتار 10:48
:ءبولىسۋ
«ءال- فارابي» عىلىمي- تەحنولوگيالىق القابىن قۇرۋ جونىندەگى ينۆەستيتسيالىق جوبا قولعا الىندى

الماتى. قازاقپارات – ق ا ز ۇ ۋ IT يننوۆاتسيالىق جانە مەديكو- بيولوگيالىق كلاستەرلەردى قامتيتىن «ءال- فارابي» عىلىمي- تەحنولوگيالىق القابىن (ع ت ا) قۇرۋ جونىندەگى ءىرى ينۆەستيتسيالىق جوبانى ىسكە اسىرۋعا كىرىستى، دەپ حابارلايدى قازاقپارات.

ءال- فارابي اتىنداعى قازۇۋ تۇركيالىق «Gِrkem Co.» كومپانياسىمەن IT- تەحنولوگيالار، يننوۆاتسيالار مەن مەديتسينا سالاسىنداعى زەرتتەۋلەردى دامىتۋ جانە جوعارى بىلىكتى مامانداردى دايارلاۋ ءۇشىن قاجەتتى وبەكتىلەر قۇرىلىسىن باستاۋ تۋرالى ۇزاق مەرزىمدى ينۆەستيتسيالىق كەلىسىمگە قول قويدى. تاراپتار كەلىسىمدى كەزەڭ- كەزەڭىمەن ىسكە اسىرۋ تۋرالى ۋاعدالاستىققا قول جەتكىزدى. ينۆەستيتسيانىڭ جالپى سوماسى 1 ميلليارد ا ق ش دوللارى. بۇگىندە الەمنىڭ جەتەكشى ۋنيۆەرسيتەتتەرى ادامي كاپيتالدى قالىپتاستىرا وتىرىپ، يننوۆاتسيالىق ەكونوميكانىڭ ءوسۋ نۇكتەسى رەتىندە ءوز ەلدەرى مەن تۇتاس وڭىرلەردىڭ دامۋىن ايقىنداۋدا. دامىعان ەلدەردىڭ وزىق تاجىريبەسى كورسەتىپ وتىرعانداي، مۇنداي تەحنولوگيالىق القاپتار عىلىم، ءبىلىم جانە يننوۆاتسيالىق ءوندىرىستىڭ ءۇشتۇعىرلىعى نەگىزىندە ءىرى ۋنيۆەرسيتەتتەر بازاسىندا قالىپتاسادى. قازۇۋ ماقساتتى تۇردە الەمدىك دەڭگەيدەگى زەرتتەۋ ۋنيۆەرسيتەتىنە اينالا وتىرىپ «ءال- فارابي» عىلىمي- تەحنولوگيالىق القابىن قۇرۋ باستاماسىن العا تارتتى. جوبا ەلباسى ن. نازاربايەۆتىڭ قولداۋىنا يە بولدى.

الەمنىڭ 150دەن استام جەتەكشى جوعارى وقۋ ورىندارىنىڭ باسىن قوساتىن «جاڭا جىبەك جولى ۋنيۆەرسيتەتتەرىنىڭ اليانسى» حالىقارالىق IT- كلاستەرىن قۇرۋ بويىنشا جۇمىس جۇرگىزىلىپ جاتىر. ونىڭ وزەگىن «Silicon Valley» مودەلىندەگى IT- تەحنوپارك جانە ق ح ر ۇكىمەتىنىڭ گرانتى بويىنشا قازۇۋ- عا ۇسىنىلاتىن سۋپەركومپيۋتەر قۇرايدى. بۇل تۋرالى كەلىسىمگە پرەزيدەنتى ق. توقايەۆتىڭ قىتايعا ساپارى بارىسىندا قول جەتكىزىلدى. سونداي- اق، عتا قۇرامىنا يننوۆاتسيالىق جانە مەديكو- بيولوگيالىق كلاستەرلەر كىرەدى. عىلىمي- زەرتتەۋ زەرتحاناسى بار 500 ورىندىق كوپسالالى كلينيكا سالىنادى. مەديكو- بيولوگيالىق كلاستەردى قۇرۋ الەمدىك دەڭگەيدە مەديتسينالىق قىزمەتتەر كورسەتۋگە، زاماناۋي تەحنولوگيالار ترانسفەرتىن جۇزەگە اسىرۋعا، سونىمەن بىرگە وڭتۇستىك كورەيا، كانادا، تۇركيا جانە ا ق ش مەديتسيناسىنداعى مەنەدجمەنتتىڭ وزىق تاجىريبەسىن پايدالانۋعا مۇمكىندىك بەرەدى.

«ءىرى ينۆەستيتسيالىق جوبانى ىسكە اسىرۋ ءۇشىن ءبىز قازۇۋ- دى كەزدەيسوق تاڭداعان جوقپىز. ءبىز سەنىمدى ءارى بولاشاعى زور سەرىكتەس تابۋ ماقساتىندا قازاقستاندىق ءبىلىم بەرۋ نارىعىن مۇقيات زەرتتەدىك. عالامدىق رەيتينگىدە 165 ورىنعا يە تۇركى جانە يسلام الەمىنىڭ ۇزدىك ۋنيۆەرسيتەتىمەن ىنتىماقتاستىق حالىقارالىق دەڭگەيدەگى جوبانى جۇزەگە اسىرۋدا جاڭا مۇمكىندىك اشىپ، دوستاس ەلدەرىمىزدىڭ قارىم- قاتىناسىن ودان ءارى نىعايتۋعا مۇمكىندىك بەرەدى» ، - دەدى كەزدەسۋ بارىسىندا «Gِrkem Co.» كومپانياسىنىڭ باس ديرەكتورى وسمان ميمارسينانوعلۋ.

شارتقا سايكەس ينۆەستور وبەكتىلەردى سالىپ، ولاردى قاجەتتى جابدىقتارمەن جابدىقتايدى جانە مەملەكەتتىك مەنشىككە تاپسىرادى. شىعىنداردى وتەۋ بىرلەسكەن وپەراتسيالىق قىزمەت ەسەبىنەن جۇزەگە اسىرىلادى. بيىل جىلى ينۆەستيتسيالىق جوبانىڭ ءبىرىنشى كەزەڭىن ىسكە اسىرۋدى باستاۋ جوسپارلانىپ وتىر.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات