قازاقستاندا كومىرسۋتەكتەردى بارلاۋ جانە ءوندىرۋ قۇقىعىنا ارنالعان ەلەكتروندى اۋكسيون وتەدى

None
None
نۇر- سۇلتان. قازاقپارات - كومىرسۋتەكتەردى بارلاۋ جانە ءوندىرۋ قۇقىعىنا ارنالعان ونلاين اۋكسيون 2021 -جىلعى 23- ساۋىردە وتەدى، دەپ حابارلايدى قازاقپارات ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ.

«بارلاۋ جانە ءوندىرۋ قۇقىعىن 15 ۋچاسكە بويىنشا وتكىزۋ جوسپارلاپ وتىرعان ەلەكتروندىق اۋكسيونعا قاتىسۋعا ءوتىنىمدى 25 - ناۋرىزىنا دەيىن ەلەكتروندىق اۋكتسيون وپەراتورىنىڭ سايتىنا جىبەرۋگە بولادى. ساۋدا- ساتتىق 23- ساۋىردە، ساعات 10:00-دە باستالىپ، 17:00-دە اياقتالادى»، دەلىنگەن حابارلامادا.

اۋكسيوننىڭ ونلاين ترانسلياتسياسى ەنەرگەتيكا مينيسترلىگىنىڭ سايتىندا، سونداي- اق ۆەدومستۆونىڭ الەۋمەتتىك جەلىدەگى اككاۋنتتارىندا ۇيىمداستىرىلادى. جەر قويناۋىن پايدالانۋ قۇقىعى بەرىلەتىن ۋچاسكەلەردىڭ اتاۋلارىمەن ۆەدومستۆو سايتىندا تانىسۋعا بولادى.

«اۋكسيون ارقىلى جەر ۋچاسكەسىنە مەنشىك قۇقىعى ەمەس، بەلگىلى ءبىر مەرزىمگە جەر قويناۋىن پايدالانۋ قۇقىعى بەرىلەتىندىگىن اتاپ ءوتۋ ماڭىزدى. بۇل «جەر قويناۋى جانە جەر قويناۋىن پايدالانۋ تۋرالى» كودەكسىمەن رەتتەلەدى، ۋچاسكەلەردەگى كەز- كەلگەن تەحنولوگيالىق پروتسەسس تەك ەنەرگەتيكا مينيسترلىگى جانىنداعى بارلاۋ جانە يگەرۋ جونىندەگى ورتالىق كوميسسيانىڭ ماقۇلداۋىمەن مۇمكىن بولادى. جەر قويناۋىن پايدالانۋ قۇقىعىن العان ينۆەستور جەرگىلىكتى اتقارۋشى ورگانمەن جەردى جالداۋ شارتىنا قول قويادى. جوبالىق قۇجاتتى ازىرلەۋ الدىندا ءاربىر جەر قويناۋىن پايدالانۋشى جەرگىلىكتى تۇرعىنداردىڭ قاتىسۋىمەن قوعامدىق تىڭداۋلار وتكىزۋگە مىندەتتى» ،دەلىنگەن حابارلاما.

ۆەدومستۆونىڭ مالىمدەۋىنشە، اۋكسيوننان تۇسكەن بارلىق قاراجات مەملەكەتتىك بيۋدجەتتى تولتىرادى.


سوڭعى جاڭالىقتار