قاراعاندى وبلىسىندا ورتەنگەن ءۇيدىڭ ءۇشىنشى قاباتىنان ايەل ادام سەكىرىپ كەتتى

قاراعاندى. قازاقپارات - قاراعاندى قالاسىنىڭ شەتىندەگى اۋىلدا ورتەنگەن تۇرعىن ءۇيدىڭ ءۇشىنشى قاباتىنان ايەل ادام سەكىرىپ كەتتى، دەپ حابارلايدى قازاقپارات قاراعاندى وبلىستىق ت ج د- عا سىلتەمە جاساپ.

«24-قاڭتاردا ساعات 06:57 دە اباي اۋدانى دۋبوۆكا اۋىلىنداعى پاتەردەن ءتۇتىن شىققاندىعى تۋرالى حابارلاما كەلىپ ءتۇستى. ءورت ءسوندىرۋ بولىمدەرى كەلگەن ۋاقىتتا پاتەردەن جالىن شىعىپ تۇردى. ءورت سوندىرۋشىلەر 3-قاباتتىڭ تەرەزەسىنە ءۇش ءيىندى باسپالداق ورناتىپ، ۋلى گازدان زارداپ شەككەن ادامدى قۇتقاردى. جالىن جالپى اۋدانى 75 شارشى مەتردى شارپىپ، ءۇش پاتەردەگى تۇرمىستىق زاتتار، جيھاز، اعاش ەدەن ورتەنىپ كەتكەن»، دەلىنگەن حابارلامادا.

ءورت ءسوندىرۋ بولىمشەلەرى كەلگەنگە دەيىن ايەل 3-قاباتتان سەكىرىپ، ومىرتقاسىنان جاراقات العان. ءورتتى سوندىرۋگە وبلىستىق ت ج د- نىڭ 16 مامانى مەن 4 ارنايى تەحنيكاسى جۇمىلدىرىلدى. قازىرگى مالىمەت بويىنشا، ءورتتىڭ شىعۋىنا اشىق وت كوزى سەبەپ بولعان.