شەتەلدەگى قانداستارعا قازاق ءتىلىن ۇيرەتۋ جوباسى تالقىلاندى

نۇر- سۇلتان. قازاقپارات - شەتەلدەگى قانداستار مەن وتانداستارعا ارنالعان قازاق ءتىلىن ۇيرەتۋ جوباسى تالقىلاندى، دەپ حابارلايدى قازاقپارات.

«وتانداستار قورى» كوممەرتسيالىق ەمەس اكسيونەرلىك قوعامى مەن ش. شاياحمەتوۆ اتىنداعى «ءتىل قازىنا» ۇلتتىق عىلىمي- پراكتيكالىق ورتالىعى اراسىندا كەزدەسۋ ءوتتى. ءىس- شاراعا «وتانداستار قورىنىڭ» ۆيتسە- پرەزيدەنتى ماعاۋيا سارباسوۆ، جوبالار كوورديناتورى ديدار بولات، «ءتىل قازىنا» ورتالىعىنىڭ ادىستەمە باسقارماسىنىڭ باسشىسى سوفيا وماروۆا، باس مەنەدجەر نۇرجان سەيسەنبەك جانە ەكى ۇيىمنىڭ وكىلدەرى قاتىستى. كەزدەسۋ اياسىندا «وتانداستار قورى»، «دۇنيەجۇزى قازاقتارى قاۋىمداستىعى» جانە ش. شاياحمەتوۆ اتىنداعى ء«تىل قازىنا» عىلىمي- پراكتيكالىق ورتالىعىنىڭ ۇيىمداستىرۋىمەن شەتەلدەگى قانداستار مەن وتانداستارعا ارنالعان قازاق ءتىلىن ۇيرەتۋ جوباسى تالقىلاندى.

جوبانىڭ باستى ماقساتى - شەتەلدەگى ەتنيكالىق قازاقتاردىڭ ءبىلىم الۋىنا جانە ءتىلىن ساقتاپ قالۋىنا جاعداي جاساۋ، قازاق ءتىلىنىڭ تارالۋ ايماعىن كەڭەيتۋ، شەت ەلدەردەگى قازاقتار اراسىندا قازاق ءتىلىنىڭ مارتەبەسىن كوتەرۋ. شەتتەگى قانداستارىمىزعا قازاق ءتىلىن وقىتاتىن ورتاق ادىستەمەلىك ارقىلى 3 باعىتتا («اباي ينستيتۋتى» پورتالى، «ونلاين» فورماتتاعى كۋرستار، «وفلاين» فورماتتاعى كۋرستار) بىردەي وقىتىلادى. اتالعان ءتىل وقىتۋ باعىتتارعا ادىستەمەلىك قولداۋ كورسەتىپ، باعدارلامالار دايىنداۋعا اتسالىسقان - ش. شاياحمەتوۆ اتىنداعى «ءتىل قازىنا» عىلىمي- پراكتيكالىق ورتالىعى. ايتا كەتۋ كەرەك، كۋرس سوڭىندا بارلىق باعىتتىڭ ناتيجەسى «قازتەست» جۇيەسى ارقىلى انىقتالىپ، قاتىسۋشىلارعا ءتىل ءبىلۋ دەڭگەيىنە قاراي سەرتيفيكات تاپسىرىلادى. 11-18 جاس ارالىعىنداعى قاتىسۋشىلاردىڭ سەرتيفيكاتتارى «وتانداستار قورى» ك ە ا ق پەن «دۇنيەجۇزى قازاقتارى قاۋىمداستىعى» ر ق ب ۇيىمداستىراتىن بالالار لاگەرىنە تەگىن قاتىسۋعا مۇمكىندىك بەرەدى.