+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

ەلوردالىق شەبەر ەرەكشە قۋىرشاقتار جاسايدى

25 قاڭتار 07:25
:ءبولىسۋ
ەلوردالىق شەبەر ەرەكشە قۋىرشاقتار جاسايدى

نۇر- سۇلتان. قازاقپارات - ەلوردا تۇرعىنى تاتيانا پريۆالوۆانىڭ نەگىزگى ماماندىعى ەكونوميست. ال بۇگىندە قۋىرشاق جاساۋ ونىڭ ىشىندە بۋدۋار قۋىرشاعىن جاساۋ ونىڭ سۇيىكتى ىسىنە اينالىپ وتىر.

وسى ورايدا قازاقپارات ءتىلشىسى ەرەكشە قۋىرشاق جاسايتىن قولونەر شەبەرىمەن سۇحباتتاسقان بولاتىن.

«قۋىرشاق جاساۋ مەنىڭ ءحوببيىم دەسەم بولادى. ينتەرنەتتەن قۋىرشاقتى قالاي جاساۋ كەرەك تۋرالى ۆيدەو كورىپ، سودان قىزىعۋشىلىق باستالدى. اينالىسىپ كەلە جاتقانىما 1 جىلدان ەندى استى. ەلوردادا قۋىرشاقتار كورمەسىن وتكىزۋدى تانىسىم ۇسىندى، مەن نەگىزىنەن حالىقارالىق كورمەلەرگە قاتىسامىن. سەبەبى قازاقستاندا قۋىرشاق جاساۋ، ونىڭ ىشىندە بۋدۋار قۋىرشاعىن جاساۋ ءىسى سونشالىقتى دامىماعان جانە سۇرانىسقا دا يە ەمەس. ءبىر قۋىرشاقتى جاساۋعا 1 اپتادان 1 ايعا دەيىن ۋاقىت كەتەدى. ونىڭ بارلىعى شابىتقا بايلانىستى، كەيدە شابىت كەلگەندە يدەيامدى جۇزەگە اسىرۋعا اسىعىپ، كۇن- ءتۇن دەمەي وتىرىپ قۋىرشاق جاساۋمەن اينالىسامىن. ياعني ءار كەزدە ءار قالاي»، - دەيدى ت. پريۆالوۆا.

قولونەر شەبەرى 1 جىلدىڭ ىشىندە 30 شاقتى بۋدۋار قۋىرشاعىن جاساپ شىعارعان.

«قۋىرشاق جاساۋ مەنىڭ نەگىزگى كاسىبىم ەمەس، بۇل سۇيىكتى ءىسىم. نەگىزگى ماماندىعىم ەكونوميست، قازىر بالا كۇتىمىنە بايلانىستى دەمالىستامىن. اينالىسقانىما كوپ ۋاقىت بولماسا دا ماعان قۋىرشاق جاساۋعا تاپسىرىس بەرۋشىلەر جانە ونى ساتىپ العىسى كەلەتىندەر بار. ازىرگە سۇيىكتى ءىسىمدى بيزنەسكە اينالدىرۋ ويىمدا جوق، ماعان قۋىرشاق جاساعان ۇنايدى. تاعى ءبىر ەرەكشە ايتىپ كەتەتىن ءسات، بۋدۋار قۋىرشاعى ويناۋعا ارنالماعان. بىزدە قۋىرشاق دەسە ويىمىزعا بىردەن ويىن قۋىرشاعى كەلەدى. بۋدۋار قۋىرشاعىنىڭ وزىندىك تاريحى بار. ول بويجەتكەن جانە ايەلدەرگە ارنالعان قۋىرشاق. ونىڭ تاريحى ⅩⅨ عاسىردا فرانتسيادان باستاۋ الادى»، - دەيدى ول.

سونداي- اق، استانالىق شەبەر جۋىردا قازاقستاننىڭ اتىنان رەسەيدە وتەتىن حالىقارالىق قۋىرشاقتار كورمەسىنە قاتىساتىنىن ايتتى.

«بۋدۋار قۋىرشاعىن جاساۋعا پلاستماسسا، ماتا، اعاش جانە باسقا دا زاتتار قاجەت. قۋىرشاق جاساۋ شەبەرلىكپەن قاتار تاباندىلىقتى تالاپ ەتەدى. ياعني ءار قۋىرشاقتى جاساۋ ارقىلى تاجىريبەڭدى جەتىلدىرىپ وتىراسىڭ. مەن ءوز بىلىكتىلىگىمدى جەتىلدىرۋ ماقساتىندا الداعى اقپان ايىندا ماسكەۋدە وتەتىن حالىقارالىق قۋىرشاقتار كورمەسىنە قاتىسقالى وتىرمىن. وندا الەمنىڭ تۇكپىر- تۇكپىرىنەن قۋىرشاق جاساۋشى قولونەرشىلەر كەلىپ، ءوزارا تاجىريبە الماساتىن بولادى. بۇل كورمەگە وتكەن جىلى دا قاتىسقانمىن، بيىل دا قازاقستاننىڭ اتىنان بارعالى وتىرمىن» ، - دەدى شەبەر.

استانالىق كوللەكسيونەر جۇمىستارىنىڭ اراسىندا قازاق حانى مەن ۇلتتىق كيىم كيگەن قازاق قىزىنىڭ دا قۋىرشاعى بار.

«مەن «قازاق حاندىعى« ءفيلمىن كوردىم. سونداعى حاننىڭ ءرولىن سومداعان ءارتىس ماعان ەرەكشە اسەر ەتتى. ياعني ءارتىس رەتىندە دە جانە ەل باسقارۋشى حان رەتىندە دە. سودان حان قۋىرشاعىن جاساۋ يدەياسى كەلدى. ەڭ قىزىعى بۇعان دەيىن مەن ەر ادامدى بەينەلەپ، قۋىرشاق جاساعان ەمەسپىن جانە ول قۋىرشاقتى 40 مينۋتتىڭ ىشىندە جاساپ شىعاردىم. بۇگىندە حان قۋىرشاعىنا قىزىعۋشىلار كوپ، ءبىراق مەن ساتپايمىن دەپ شەشتىم»، - دەيدى شەبەر.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات