+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

تانىمال شاڭعىشى بۋراباي ماڭىندا جول- كولىك اپاتىنان كوز جۇمدى

24 قاڭتار 13:40
:ءبولىسۋ
تانىمال شاڭعىشى بۋراباي ماڭىندا جول- كولىك اپاتىنان كوز جۇمدى

نۇر- سۇلتان. قازاقپارات - تانىمال قازاقستاندىق شاڭعىشى نيكولاي چەبوتكو جول- كولىك وقيعاسى سالدارىنان قازا بولدى، دەپ حابارلايدى قازاقپارات ءتىلشىسى.

قازاقستاننىڭ شاڭعى جارىسىنىڭ ۇلتتىق فەدەراتسياسى Instagram - داعى پاراقشاسىندا قازاقستان رەسپۋبليكاسىنا ەڭبەك سىڭىرگەن سپورت شەبەرى نيكولاي چەبوتكو قايعىلى وقيعا سالدارىنان كوز جۇمعانى حابارلاندى.

«بارشا سپورت قوعامداستىعى اتىنان نيكولايدىڭ تۋىستارى مەن جاقىندارىنا قايعىرىپ كوڭىل ايتامىز»، - دەپ جازدى فەدەراتسيا وكىلدەرى.

سونىمەن قاتار Olympic.kz سايتىندا الەم چەمپيوناتىنىڭ قولا جۇلدەگەرى 38 جاستاعى نيكولاي چەبوتكو 24 - قاڭتارعا قاراعان ءتۇنى بۋراباي اۋىلى ماڭىندا (اقمولا وبلىسى) جول اپاتىنان كوز جۇمعانى حابارلاندى.

«قازاقستان ۇلتتىق وليمپيادالىق كوميتەتى بارلىق سپورتتىق قاۋىمداستىق اتىنان سپورتشىنىڭ جاقىندارى مەن تۋىستارىنا قايعىرا كوڭىل ايتادى. نيكولاي چەبوتكو تالانتتى شاڭعىشى، وليمپياداشى جانە جارقىن ءجۇزدى ادام رەتىندە ماڭگى جۇرەگىمىزدە ساقتالادى»، - دەپ جازىلعان سايتتا.

شاڭعى سپورتىنان 2013 -جىلعى الەم چەمپيوناتىنىڭ قولا جۇلدەگەرى، ءتورت بىردەي وليمپيادا ويىندارىنىڭ قاتىسۋشىسى. ۇلكەن سپورتتاعى ەڭ ءىرى جەتىستىگىنە نيكولاي چەبوتكو 2013 -جىلى قول جەتكىزدى. ول سول جىلى ۆال- دە- فەممەدە وتكەن الەم چەمپيوناتىندا كوماندالىق سپرينت بويىنشا ۇزدىك ۇشتىككە ەنگەن. سونداي- اق، سپورتشى ازيا ويىندارىندا ءۇش التىن، ءتورت كۇمىس جانە ەكى قولا مەدال جەڭىپ العان.

اۆتور: رۋسلان عابباسوۆ



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات