ءتىرى كۇيەۋىمدى ۆاكسينادان ءولدى دەپ جالعان اقپارات تاراتقان - مەرۋەرت قوجاقۇلوۆا

None
None
اقتاۋ. قازاقپارات - الەۋمەتتىك جەلىلەردە مۇنايلى اۋدانى ماڭعىستاۋ سەلوسىنىڭ 1984 -جىلى تۋعان تۇرعىنى ۆاكسينادان قازا بولدى دەگەن جالعان اقپارات تارادى، دەپ حابارلايدى قازاقپارات ءتىلشىسى.

فەيك اقپاراتتى تاراتۋشىلار ءتىرى ادامنىڭ سۋرەتىن سالىپ قويعان. بۇل تۋرالى ونىڭ ايەلى حابارلادى.

«سۋرەتتەگى مەنىڭ جولداسىم سۋگۋربايەۆ باحىتجان چوكىربايەۆيچ 1984 - جىلى 1 - قاڭتاردا دۇنيەگە كەلگەن. الەۋمەتتىك جەلىدە تاراعان اۋديو جازبانىڭ ارتىنا تىركەپ سۋرەتتى تاراتىپ جىبەرگەن. ءتىرى ادامدى قايتىس بولدى دەپ. قايتىس بولعان باسقا ادام، ءبىز ونى تانىمايمىز. اللا باحىتجاننىڭ دەنىنە ساۋلىق، ۇزاق ءومىر بەرسىن. اقپاراتتىڭ شىندىق ەكەنىنە كوز جەتكىزىپ بارىپ تاراتىڭىزدار»، - دەدى ول.

قازىر ءمان- جاي ماڭعىستاۋ وبلىسىنىڭ پوليتسيا دەپارتامەنتىنە حابارلاندى. ايتا كەتەيىك، بۇعان دەيىن ماڭعىستاۋ تۇرعىنىنىڭ ەكپەدەن قايتىس بولعانى جايلى اقپاراتتىڭ جالعان ەكەنىن حابارلاعان بولاتىنبىز.

سوڭعى جاڭالىقتار