كوروناۆيرۋس: بريتانيالىق شتامم الدەقايدا قاۋىپتى بولۋى مۇمكىن
بريتانيا پرەمەرىنىڭ سوزىنشە، وسى ەلدە جىل باسىندا پايدا بولعان كوروناۆيرۋس ءتۇرى جىلدام تارايدى جانە ول وتە قاۋىپتى بولۋى مۇمكىن.
«بۇگىن بىزگە لوندون مەن بريتانيانىڭ وڭتۇستىك شىعىسىندا پايدا بولعان ۆيرۋستىڭ تەز تاراۋمەن قاتار ونىڭ سالدارىنان ادامداردىڭ دا ءجيى قايتىس بولۋى مۇمكىن ەكەندىگى حابارلاندى»، - دەدى دجونسون.
ول وسىعان دەيىن دايىندالعان ۆاكسينالاردىڭ كوروناۆيرۋستىڭ ەكى ءتۇرى ءۇشىن دە ءتيىمدى ەكەنىن ايتتى. ازىرگە انگليادا ۆيرۋستىڭ تاراۋ قارقىنى ءبىرشاما تىيىلدى. ال، سولتۇستىك يرلانديادا كەرىسىنشە، ۆيرۋستىڭ جاڭا شتامىنا بايلانىستى اۋرۋ ءورشىپ كەتكەن. شوتلانديا مەن ۋەلستە كوروناۆيرۋستىڭ جاڭا شتامىن جۇقتىرعاندار كوبەيىپ كەلەدى. انگليادا ۆيرۋس جۇقتىرعانداردىڭ كوپشىلىگىن كوروناۆيرۋستىڭ كادىمگى تۇرىمەن ناۋقاستانعاندار قۇراپ وتىر. جاڭا شتامم كوپ تاراپ جاتقان سولتۇستىك يرلانديادا كەرىسىنشە COVID-19-دان قايتىس بولىپ جاتقاندار ءجيى كەزدەسەدى.