+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

دونالد ترامپتىڭ بولاشاعى نە بولماق

23 قاڭتار 12:03
:ءبولىسۋ
دونالد ترامپتىڭ بولاشاعى نە بولماق

نۇر-سۇلتان. قازاقپارات - دونالد ترامپ پرەزيدەنتتىك مانساپتان كەتكەنىمەن، اق ءۇي باسشىسىنا تيەسىلى ارتىقشىلىقتارىن ساقتاپ قالدى، دەپ حابارلايدى «حابار 24».

بۇرىنعى پرەزيدەنتتەر جونىندە 1958 -جىلى قابىلدانعان زاڭعا سايكەس ول ءبىرقاتار جەڭىلدىكتەرگە يە بولادى. ءبىراق ترامپقا جاريالانعان يمپيچمەنت كۇشىنە ەنسە، ول ارتىقشىلىقتىڭ بارىنەن ايىرىلادى.

بولاشاقتا ترامپتى نە كۇتىپ تۇر؟

بۇرىنعى پرەزيدەنتتەرگە جىلىنا 219 مىڭ دوللار مولشەرىندە زەينەتاقى تولەنەدى. مەلانيا ترامپ اجىراسپاسا، ول دا جىلىنا 20 مىڭ دوللار الادى. ا ق ش- تىڭ قۇپيا قىزمەتتەرى بۇرىنعى پرەزيدەنتتىڭ وتباسىن ءومىر بويى كۇزەتۋى ءتيىس. بۇعان جىلىنا ءبىر جارىم ميلليونداي دوللار جۇمسالادى. سونداي- اق ەكس- پرەزيدەنتتەر ەلدىڭ كەز كەلگەن اۋماعىندا كەڭسەسىن اشىپ، قىزمەتكەرلەر جالداي الادى. بۇعان العاشقى 30 ايدا بيۋدجەتتەن جىلىنا 150 مىڭ، كەيىن 96 مىڭ دوللار ءبولىنىپ تۇرادى.

ترامپ پەن ەكى كومەكشىسىنە ىسكەرلىك ساپارلارعا كەتكەن شىعىنىن جىلىنا ءبىر ميلليون دوللارعا دەيىن وتەيدى. مەلانيا بۇل ماقساتقا جارتى ميلليون دوللارعا دەيىن قاراجات الۋى مۇمكىن. ۆاشينگتونعا كەلگەن كەزدە دونالد ترامپ پرەزيدەنتتىك تاۋنحاۋستا توقتاۋىنا بولادى. الايدا بۇل قالادا ءزاۋلىم قوناق ءۇيى بار ترامپقا مۇنىڭ قاجەت دە جوق شىعار. دەگەنمەن ترامپقا قارسى جاريالانعان يمپيچمەنت ناتيجە بەرسە، ول وسىنىڭ بارىنەن ايىرىلادى.

دجەن پساكي، اق ءۇي اكىمشىلىگىنىڭ باسپا ءسوز حاتشىسى:

- قازىر ەلىمىز ءۇشىن ەڭ باستىسى بارلىق ماسەلەنى شەشىپ، اۋىزبىرشىلىككە كەلۋ قاجەت. دجو بايدەن يمپيچمەنت ماسەلەسىن قاراستىرۋدىڭ ۋاقىتى مەن رەتىن سەناتورلارعا ۇسىنادى.

سەناتتاعى رەسپۋبليكالىقتاردىڭ جەتەكشىسى ميتچ ماككوننەلل يمپيچمەنت ءراسىمىن اقپان ايىنا قالدىرۋدى ۇسىندى. ساراپشىلاردىڭ پىكىرىنشە، وسىلايشا ترامپتىڭ پارتيالاستارى زاڭگەرلەرىنە دايىندالۋ ءۇشىن قوسىمشا ۋاقىت بەرمەك.

نەنسي پەلوسي، ا ق ش وكىلدەر پالاتاسىنىڭ سپيكەرى:

- سەنات ا ق ش- تىڭ بۇرىنعى پرەزيدەنتىنە قارسى سوتقا دايىن بولعان كەزدە ماماندارمەن كەلىسسوز جۇرگىزە باستايمىن. ول حالىقتى زاڭسىزدىققا شاقىردى، بۇل كاپيتولي الدىنداعى جاپپاي تارتىپسىزدىكتەرگە اكەلدى. سوندىقتان جازاسىز قالماۋى ءتيىس.

دونالد ترامپقا تاعى دا سايلاۋعا قاتىسۋ ءۇشىن يمپيچمەنتتەن امان قالۋ كەرەك. بۇرىنعى پرەزيدەنتتەرگە بەرىلەتىن ارتىقشىلىقتاردان ايىرلىعىسى كەلمەيتىن ءتۇرى بار. پرەزيدەنت بولىپ سايلانعاننان كەيىن دونالد ترامپ بارلىق جالاقىسىن ءتۇرلى ۇيىمدارعا ءبولىپ تۇراتىن. الايدا پرەزيدەنتتىك زەينەتاقىدان باس تارتقان جوق. ويتكەنى سوڭعى ءتورت جىلدا دونالد ترامپتىڭ بيزنەسى ۇنەمى شىعىنعا ۇشىرادى. اسىرەسە، سوڭعى جىلى تابىسى 38 پروتسەنتكە قىسقارىپتى.

پاندەميانىڭ كەسىرىنەن دونالد ترامپ يەلىگىندەگى وتەلدەر مەن گولف- كلۋبتار قاتتى زارداپ شەكتى. تۋيت الەۋمەتتىك جەلىسى ترامپتتىڭ اككاۋنتىن ماڭگىگە بۇعاتتاپ تاستادى. دەگەنمەن وسىنىڭ بارلىعىنا قاراماستان، دونالد ترامپ تىنىش زەينەتكە شىعاتىن ءتۇرى جوق. الداعى ۋاقىتتا ول تۋرالى تالاي جاڭالىق ەستيتىن سەكىلدىمىز.

www.24.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات