+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى

23 قاڭتار 10:52
:ءبولىسۋ
قازاقستاندا زەينەتاقىنىڭ ءبىر بولىگىن الۋعا ءوتىنىم قابىلداۋ باستالدى

نۇر- سۇلتان. قازاقپارات - زەينەتاقىنىڭ ءبىر بولىگىن الۋعا ءوتىنىم قابىلدايتىن سايت ىسكە قوسىلدى. وسى ارقىلى ەل اۋماعىندا ءوتىنىم قابىلداۋ باستالدى، دەپ حابارلايدى قازاقپارات ءتىلشىسى.

اتاپ ايتقاندا، بۇگىن ساعات 09.00-دەن باستاپ enpf-otbasy.kz ارنايى سايتى ىسكە قوسىلدى. «پورتال تۇراقتى ىستەپ تۇر. ءوتىنىمدى نوۋتبۋك/كومپيۋتەر ارقىلى جولداۋعا بولادى. سمارتفون ارقىلى ءوتىنىم بەرىلمەيدى. ءوتىنىمدى جولداۋ ءۇشىن ە س ق بولۋى كەرەك»، - دەلىنگەن Telegram كانالداعى حابارلامادا.

«وسى باعدارلاماعا قاتىسقىسى كەلەتىن ازاماتتار ءبىرىڭعاي زەينەتاقى جيناعى قورىنداعى ءوزىنىڭ جيناعىن ەسەپتەۋى كەرەك. ودان كەيىن «وتباسى بانكىندە» نەمەسە ءوز قالاۋى بويىنشا ەكىنشى دەڭگەيلى بانكتەردەن ارنايى شوت اشۋى كەرەك. ءۇشىنشى قادام: 23 - قاڭتاردان، ساعات تاڭەرتەڭگى 09.00-دە «وتباسى بانكتە» پورتالى اشىلدى. سول پورتالعا ازاماتتار ءوزىنىڭ ەلەكتروندى قولتاڭباسى ارقىلى كىرەدى. ول پورتالعا ازاماتتار جەتكىلىكتى دەڭگەيدەن ارتىق سومانى قاي ماقساتقا پايدالاناتىنىن كورسەتىپ، ءوتىنىم بەرەدى. ال ءوتىنىم زەينەتاقى قورىنا جولدانادى. بەس كۇننىڭ ىشىندە ول جاقتان جاۋاپ كەلىپ، ماقۇلدانعاننان كەيىن ازامات «وتباسى بانكتىڭ» پورتالى ارقىلى راستايتىن قۇجاتتاردى تىركەپ، ارنايى ەسەپشوتىنداعى اقشانى ءوزى كورسەتكەن رەكۆيزيتتەر بويىنشا ساتىپ الۋشىعا، نە بولماسا يپوتەكانى وتەۋگە جولدايدى»، - دەپ ءتۇسىندىردى «وتباسى بانكى» ا ق ورتالىق فيليالىنىڭ ديرەكتورى جانسۇلتان ماتايەۆ.

ازاماتتار وزدەرىنىڭ زەينەتاقى جيناقتارىنىڭ ءبىر بولىگىن:

- كەپىلدىك بولعان كەزدە تۇرعىن ءۇي قۇرىلىسىنا ۇلەستىك قاتىسۋ تۋرالى شارتتار بويىنشا تۇرعىن ءۇي ساتىپ الۋ كەزىندە نەمەسە اكت بولعان كەزدە كوپپاتەرلى تۇرعىن ۇيدەگى ۇلەستى بەرۋ تۋرالى شارت جاساسۋ كەزىندە؛

- جەر ۋچاسكەسىن ساتىپ الۋدى قوس العاندا جەكە تۇرعىن ءۇي سالۋ ءۇشىن تولىق ەسەپ ايىرىسۋ كەزىندە؛

- يپوتەكالىق قارىز الۋ، تۇرعىن ءۇيدى ساتىپ الۋ، بەرەشەكتى وتەۋ، بانكتەر ارقىلى يپوتەكانى قايتا قارجىلاندىرۋ ءۇشىن باستاپقى جارنا رەتىندە؛

- تۇرعىن ءۇي قۇرىلىسى جيناقتارى جۇيەسى بويىنشا جەر ۋچاسكەسىن ساتىپ الا وتىرىپ، تۇرعىن ءۇي ساتىپ الۋعا نەمەسە جەكە تۇرعىن ءۇي سالۋعا ارنالعان يپوتەكا بويىنشا بەرەشەكتى الۋ، قايتا قارجىلاندىرۋدى وتەۋ كەزىندە؛

- يسلام بانكىنىڭ قارجىلاندىرۋى شەڭبەرىندە ءۇي ساتىپ الۋ جانە وسىنداي قارجىلاندىرۋ بويىنشا بەرەشەكتى وتەۋ كەزىندە؛

- تۇرعىن ءۇي قۇرىلىسى جانە داعدارىسقا قارسى باعدارلامالار شەڭبەرىندە ساتىپ الۋ قۇقىعىمەن بەرىلگەن باسپانانى ۇزاق مەرزىمدى جالداۋ شارتتارى بويىنشا بەرەشەكتى وتەۋ ءۇشىن پايدالانۋىنا رۇقسات ەتىلەدى.

اۆتور: رۋسلان عابباسوۆ



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات