+7 (701) 759 90 19
-18 °С : نۇر-سۇلتان
1 °С : الماتى
USD 417.02 EUR 505.51
RUB 5.59 CNY 64.52
جاڭالىقتار

قازاقستاندىق كاسكادەرلەر الەمدەگى ەڭ بەدەلدى سىيلىققا يە بولدى

23 قاڭتار 10:11
:ءبولىسۋ
قازاقستاندىق كاسكادەرلەر الەمدەگى ەڭ بەدەلدى سىيلىققا يە بولدى

نۇر- سۇلتان. قازاقپارات - قازاقستاندىق كاسكادەرلەر توبى الەمدىك كاسكادەرلەر اكادەمياسىنىڭ (ا ق ش) «Taurus» سىيلىعىنا يە بولدى، دەپ حابارلايدى قازاقپارات.

Nomad Stunts كاسكادەرلەر توبى بۇل سىيلىقتى «قازاقفيلم» كينوستۋدياسى تۇسىرگەن «توميريس» فيلمىندەگى تريۋكتەر ءۇشىن جەڭىپ الدى.

بۇل تۋرالى بۇعان دەيىن جازعان ەدىك. «قۇرمەتتى دوستار، بۇگىن 12 كەلىلىك «Taurus» سىيلىعى ا ق ش- تان @nomadstunts كاسكادەرلەر توبىنا جانە ونىڭ جەتەكشىسى @kunguzhinov-كە جەتكىزىلدى. بۇل الەمدەگى كاسكادەرلەردىڭ ەڭ بەدەلدى كاسىبي سىيلىعى، ونى ءبىزدىڭ «قازاق فيلم» كينوستۋدياسىنىڭ تۋىندىسى - «توميريس» فيلمىندەگى تريۋكتەردى جوعارى دەڭگەيدە قويىپ، ورىنداعانى ءۇشىن جەڭىپ الدى»، - دەپ جازدى ش. ايمانوۆ اتىنداعى «قازاق فيلم» كينوستۋدياسىنىڭ باسشىسى، فيلمنىڭ رەجيسسەرى اقان ساتايەۆ Instagram-دا.

« Nomad Stunts « كاسكادەرلەر توبىنىڭ جەتەكشىسى جايداربەك كۇنعوجينوۆتىڭ ايتۋىنشا، بەلدى سىيلىقتى قازاقستان ورتالىق ازيا ەلدەرى اراسىندا العاشقى بولىپ يەلەنىپ وتىر. «Taurus» قازاقستاندىق كومانداعا «شەتەل فيلمىندەگى ەڭ ۇزدىك تريۋكتەر» نوميناتسياسى ءۇشىن بەرىلگەن. ونىڭ اتاپ وتۋىنشە، بۇل ماراپات كاسكادەرلەر ءۇشىن «وسكار» سىيلىعىمەن پارا- پار. ج. كۇنعوجينوۆ Facebook-پاراقشاسىندا بولىسكەن فوتوسۋرەتتە «Taurus» مۇسىنشەسىنە بۇعان دەيىن امەريكالىق اكتەرلەر سيلۆەستەر ستاللونە، ارنولد شۆارتسەنەگگەر يە بولعانىن كورۋگە بولادى.

«ءوز كومانداما العىس بىلدىرەمىن. سولاردىڭ ارقاسىندا بۇعان قازاقستان جانە ورتالىق ازيا تاريحىندا العاش قول جەتكىزدىك. بۇل ءۇشىن دەنەمىزدى جاراقاتتاي ءجۇرىپ 20 جىل ءجۇرىپ وتتىك جانە گولليۆۋدتا ەڭ ۇزدىك بولا الاتىنىمىزدى دالەلدەدىك!»، - دەدى ول.

ايتا كەتەيىك، Nomad Stunts - بۇل قازاقستاندىق كاسكادەر جايداربەك كۇنعوجينوۆ 2000 -جىلى قۇرعان حالىقارالىق كاسىبي كاسكادەرلەر توبى. ونىڭ قۇرامىندا بۇگىندە 86 ادام بار. «توميريس» كينوتۋىندىسى ءبىزدىڭ زامانىمىزعا دەيىنگى VI عاسىردا بولعان وقيعانى سۋرەتتەيدى. فيلمدە كىشكەنتاي قىزدان ايبىندى جاۋىنگەرگە اينالعان، جاقىندارىنان ايرىلىپ، ساتقىنداردان ءوشىن العان جانە ساق تايپالارىن بىرىكتىرگەن ۇلى دالانىڭ اتى اڭىزعا اينالعان توميريس پاتشايىمىنىڭ تاعدىرى باياندالادى. فيلم ق ر مادەنيەت جانە سپورت مينيسترلىگىنىڭ تاپسىرىسىمەن «قازاقفيلم» كينوستۋدياسىندا Sataifilm كومپانياسىنىڭ قاتىسۋىمەن تۇسىرىلگەن. كارتينا پاريجدە وتكەن L’Etrange Festival 26 كينوفەستيۆالىنىڭ تولىق مەتراجدى فيلمدەر سەكسياسىندا Nouveau Genre گران- پريىن جەڭىپ الدى.

اۆتور: ميرا تولەندى قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات