پەنتاگوندى العاش رەت افروامەريكالىق ازامات باسقارادى

None
None
ۆاشينگتون. قازاقپارات - ا ق ش سەناتى پرەزيدەنت دجو بايدەن قورعانىس ءمينيسترى لاۋازىمىنا ۇسىنعان للويد وستيننىڭ كانديداتۋراسىن بەكىتتى، دەپ حابارلايدى قازاقپارات «امەريكا داۋىسى» جاڭالىقتار قىزمەتىنە سىلتەمە جاساپ.

وسىلايشا، وتستاۆكاداعى گەنەرال ل. وستين پەنتاگونعا باسشىلىق جاسايتىن ا ق ش تاريحىنداعى العاشقى افروامەريكالىق ازامات بولىپ وتىر. جۇما كۇنى تاڭەرتەڭ سەناتورلار ونى امەريكا قورعانىس ءمينيسترى قىزمەتىنە بەكىتتى.

ل. وستين بۇعان دەيىن تاۋيا شىعىستا جانە وڭتۇستىك ازيادا امەريكا اسكەرىنە باسشىلىق ەتكەن. ونى جاڭا لاۋازىمعا تاعايىنداۋ ءۇشىن كونگرەسستەن ارنايى رۇقسات قاجەت بولعان. سەبەبى، ەرەجەگە سايكەس، بۇرىنعى اسكەري قىزمەتشىلەر قارۋلى كۇشتەردەن كەتكەننەن كەيىن 7 جىل تولماي تۇرىپ ازاماتتىق لاۋازىمدارعا تاعايىندالا المايدى. وكىلدەر پالاتاسى مەن سەنات بۇل ەرەجەدەن اۋىتقۋ مۇمكىندىگىن داۋىسقا سالعان. ناتيجەسىندە وتستاۆكاداعى گەنەرال كوپتەگەن دەموكراتتاردىڭ جانە رەسپۋبليكالىقتاردىڭ قولداۋىنا يە بولعان. ونىڭ كانديداتۋراسى ءۇشىن 100 سەناتوردىڭ 90-ى داۋىس بەردى.

بۇعان دەيىن حابارلاعانىمىزداي، اسەل روبەرتس (تولەنوۆا) ەسىمدى قازاق قىزى ا ق ش پرەزيدەنتى پروتوكولى باسشىسىنىڭ مىندەتىن اتقارۋشى بولىپ تاعايىندالدى. سونداي- اق ەلدىڭ ۆيتسە- پرەزيدەنتى قىزمەتىنە كامالا حارريس تاعايىندالدى. ول امەريكا ۆيتسە- پرەزيدەنتى لاۋازىمىنا كەلگەن العاشقى ايەل ءارى العاشقى قارا ءناسىلدى ازامات بولىپ وتىر. ا ق ش- تىڭ 46- پرەزيدەنتى دجو بايدەن قىزمەتىنە رەسمي تۇردە 20 - قاڭتار كۇنى كىرىستى.

اۆتور: ميرا تولەندى قىزى

سوڭعى جاڭالىقتار