الماتىدا مي ينسۋلتىن دياگنوستيكالايتىن جاساندى ينتەللەكت جۇيەسى تانىستىرىلدى
قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين جۇمىس ساپارىمەن الماتى قالاسىنا كەلدى. ۆەدومستۆو باسشىسى قالانى سيفرلاندىرۋ بارىسىمەن تانىسىپ، ءبىرقاتار نىسانداردى ارالادى. ساپار بارىسىندا مينيستر باعدات مۋسين الماتى قالاسىنىڭ اكىمى باقىتجان ساعىنتايەۆپەن كەزدەسىپ، مەگاپوليستى سيفرلاندىرۋ سالاسىنداعى اعىمداعى جاعدايدى جانە الداعى جىلعا جوسپارلاردى تالقىلادى. سونداي- اق، باعدات مۋسين مەن باقىتجان ساعىنتايەۆ اكىمدىكتىڭ تاپسىرىسى بويىنشا «زەردە» حولدينگى ازىرلەگەن الماتى قالاسىنىڭ IT- ارحيتەكتۋراسىنا قول قويدى.
بۇل وڭتايلى باعىتتاردى ودان ءارى دامىتۋ جانە «SmartCity» پلاتفورماسىن ىسكە اسىرۋ جولدارىن ايقىنداۋعا جانە باسىم جوبالاردىڭ تىزبەسىن قالىپتاستىرۋعا مۇمكىندىك بەرەدى. مينيستر قازاق ونكولوگيا جانە راديولوگيا عىلىمي- زەرتتەۋ ينستيتۋتىندا بولىپ، وعان «Crystal Spring» جۇيەسىن تانىستىردى. جۇيە جاساندى ينتەللەكت (ج ي) ارقىلى رەنتگەن سۋرەتتەرى نەگىزىندە وكپەنىڭ ونكولوگيالىق اۋرۋلارىن دياگنوستيكالاۋعا مۇمكىندىك بەرەدى. بۇگىنگى تاڭدا جي وكپە اۋرۋلارىنىڭ 14 ءتۇرلى بەلگىلەرىن، ونىڭ ىشىندە پنيەۆمونيانى Covid-19 كورىنىستەرىنىڭ ءبىرى رەتىندە انىقتاي الادى. ءونىم 2020 -جىلعى ناۋرىزدا بىرنەشە كلينيكالاردا سىناق رەجيمىندە ىسكە قوسىلدى. قازىرگى ۋاقىتتا دارىگەرلەر ونى كۇندەلىكتى قولدانادى. باعدات مۋسين الماتى قالاسىنداعى ەڭ ءىرى كوپسالالى كلينيكا - №7 قالالىق كلينيكالىق اۋرۋحانانىڭ جۇمىسىمەن تانىستى.
مينيسترگە «الماتى جاساندى ينتەللەكت زەرتحاناسى» ازىرلەگەن CEREBRA جوباسى تانىستىرىلدى. CEREBRA دارىگەرلەرگە ينسۋلتتى ەرتە ساتىسىندا انىقتاۋعا كومەكتەسەدى. تولىق ساراپتامالىق ەسەپتى كومپيۋتەردەگى ۆەب- پلاتفورمادان جانە iOS جانە Android-تاعى ءموبيلدى قوسىمشالاردان الۋعا بولادى. مەديتسينالىق ماماندار اتاپ وتكەندەي، ينسۋلت كەزىندە ميعا قان اعىنىن قالپىنا كەلتىرۋ بارلىق فۋنكتسيالاردىڭ تولىق قايتارىلۋىمەن 4,5 ساعات ىشىندە مۇمكىن بولادى. CEREBRA جوباسىنا ەنگىزىلگەن ج ي ينسۋلتتى 10 مينۋت ىشىندە تانۋعا جانە ينسۋلت يادروسىنداعى تىندەردىڭ تىعىزدىعىنىڭ وزگەرۋىن ەسەپتەۋگە كومەكتەسەدى.
«الماتى جاساندى ينتەللەكت زەرتحاناسى» Astana Hub IT- ستارتاپتار حالىقارالىق تەحنوپاركىنىڭ قاتىسۋشىسى بولىپ تابىلاتىنىن اتاپ ءوتۋ قاجەت. باعدات مۋسين وسىنداي جوبالاردىڭ ماڭىزدىلىعىن جانە قازاقستاندا، اسىرەسە مەديتسينا سالاسىندا جي دامىتۋ قاجەتتىلىگىن اتاپ ءوتتى. سونداي- اق، مينيستر جاساندى ينتەللەكت «سيفرلىق قازاقستان» باعدارلاماسىنىڭ باسىم كلاستەرلەرىنىڭ ءبىرى بولىپ تابىلاتىنىن جانە مينيسترلىك ستارتاپتارمەن، زەرتتەۋ ۇيىمدارىمەن جانە بيزنەسپەن بىرلەسىپ جۇمىس جۇرگىزىپ جاتقانىن، ونىڭ ارقاسىندا وسىنداي شەشىمدەر ىسكە اسىرىلىپ جاتقانىن اتاپ ءوتتى. بۇدان باسقا، ۆەدومستۆو باسشىسى قازاقستان- بريتان تەحنيكالىق ۋنيۆەرسيتەتىنە، «يننوۆاتسيالىق تەحنولوگيالار پاركى» دەربەس كلاستەرلىك قورىنا بارىپ، الماتىنىڭ IT- قاۋىمداستىعىمەن كەزدەسۋ وتكىزدى.