تۇركىستان وبلىسىندا تۇرعىندار كوكپار ۇيىمداستىرۋدى توقتاتپاي وتىر
جىل باسىنان بەرى وبلىستا جەتى رەت كوكپار ۇيىمداستىرۋ جايتى تىركەلگەن، دەپ حابارلايدى قازاقپارات ءتىلىشىسى. وبلىستىق پ د باسپا ءسوز قىزمەتىنىڭ مالىمەتىنشە، جەتىساي اۋدانى پوليتسەيلەر كەزەكتى رەيد جۇرگىزۋ بارىسىندا كوكپار ويىنى ۇيىمداستىرىلىپ جاتقانىن انىقتاعان. جەرگىلىكتى تۇرعىن 200گە جۋىق ادامدى جيناپ، كوكپار بەرىپ جاتقانى بەلگىلى بولدى. ءتارتىپ ساقشىلارى ويىندى دەرەۋ توقتاتىپ، قاتىسۋشىلاردى ۇيلەرىنە قايتارعان. ولارعا ءتۇسىندىرۋ جۇمىسىن جۇرگىزگەن. ال، ويىندى ۇيىمداستىرۋشىعا قاتىستى ق ر ا ق ب ت ك 425-بابى بويىنشا اكىمشىلىك حاتتاما تولتىرعان. جينالعان ماتەريالدار زاڭدى شەشىم قابىلداۋ ءۇشىن جەتىساي اۋداندىق سانيتاريالىق- ەپيدەميولوگيالىق ورتالىعىنا جولدانعان.
ءدال وسىنداي جايت ارىس اۋدانىندا دا ورىن العان. ارىس اپب قىزمەتكەرلەرى اۋدان ورتالىعىنىڭ باتىس بەتكەيىندە كوكپار ۇلتتىق ويىنى ءوتىپ جاتقانىن انىقتاعان. اتالعان كوكپارعا 100 گە تارتا تۇرعىن جينالىپتى. سانيتارلىق تالاپتارعا باعىنباعان كوكپار ۇيىمداستىرۋشى دا اكىمشىلىك جازاعا تارتىلىپ، ايىپپۇل تولەيتىن بولدى.