ەلباسى بەيبىت اتامقۇلوۆتى قابىلدادى

None
None
نۇر- سۇلتان. قازاقپارات - «نۇر وتان» پارتياسىنىڭ ءتوراعاسى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتى قابىلدادى، دەپ حابارلايدى قازاقپارات elbasy.kz-كە سىلتەمە جاساپ.

كەزدەسۋدە نۇرسۇلتان نازاربايەۆ «نۇر وتان» پارتياسىنىڭ «وزگەرىستەر جولى: ءار ادامعا لايىقتى ءومىر!» اتتى سايلاۋالدى باعدارلاماسىنىڭ نەگىزگى باعىتتارىن ۋاقىتىلى جۇزەگە اسىرۋ قاجەتتىگىن ايتتى. اڭگىمە بارىسىندا مينيسترلىكتىڭ ەكونوميكانى ءارى قاراي ءارتاراپتاندىرۋداعى ماڭىزدى ءرولى اتاپ ءوتىلدى.

سونداي- اق قازاقستاننىڭ تۇڭعىش پرەزيدەنتىنە 2020 -جىلدىڭ قورىتىندىسى بويىنشا ونەركاسىپ، كولىك جانە قۇرىلىس سالالارىنداعى نەگىزگى دامۋ كورسەتكىشتەرى تۋرالى باياندالدى. - وڭدەۋ ونەركاسىبىنىڭ ءبىرقاتار سەكتورىندا ءوسىم بار.

اتاپ ايتقاندا قارا مەتاللۋرگيا 4,1 پايىزعا، ءتۇستى مەتاللۋرگيا 2,8 پايىزعا، ماشينا جاساۋ 16,3 پايىزعا، جەڭىل ونەركاسىپ 15 پايىزعا، فارماتسيەۆتيكا ونەركاسىبى 47 پايىزعا جانە دايىن مەتالل بۇيىمدارىن ءوندىرۋ 19,7 پايىزعا ارتقان.

ستاتيستيكالىق دەرەكتەرگە سايكەس، قۇرىلىس سالاسىندا ناقتى كولەم يندەكسى 111,2 پايىزدى قۇرادى. 2020 -جىلدىڭ قورىتىندىسى بويىنشا 16 وڭىردە وڭ قارقىن بايقالۋدا، - دەدى اتامقۇلوۆ.

سوڭعى جاڭالىقتار