جەمقورلىق جاساعان اقتوبە وبلىسى اكىمىنىڭ ورىنباسارى ەڭ ۇزاق مەرزىمگە سوتتالدى

None
None
نۇر- سۇلتان. قازاقپارات - وتكەن جىلى اسا ءىرى مولشەردە پارا بەرۋگە يتەرمەلەگەنى ءۇشىن اقتوبە وبلىسى اكىمىنىڭ بۇرىنعى ورىنباسارى مامۋنوۆ ەڭ ۇزاق مەرزىمگە - 12 جىلعا باس بوستاندىعىنان ايىرىلدى.

بۇل تۋرالى AntikorNEWS الاڭىندا ق ر سىبايلاس جەمقورلىققا قارسى ءىس- قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ ايتتى، دەپ حابارلايدى قازاقپارات ءتىلشىسى.

2020 -جىلى پارا بەرگەن جانە پارا بەرۋگە يتەرمەلەگەن 10 ادام 10 جىلدان استام ۋاقىتقا باس بوستاندىعىنان ايىرىلعان. «وتكەن جىلى اسا ءىرى مولشەردە پارا بەرۋگە يتەرمەلەگەنى ءۇشىن اقتوبە وبلىسى اكىمىنىڭ بۇرىنعى ورىنباسارى مامۋنوۆ ەڭ ۇزاق مەرزىمگە - 12 جىلعا باس بوستاندىعىنان ايىرىلدى. پارا بەرگەنى ءۇشىن سوتتالعانداردىڭ % 17- دان استامى، ياعني 111 مەملەكەتتىك قىزمەتشى باس بوستاندىعىنان ايىرىلۋدان باسقا، مەملەكەتتىك قىزمەتتەن بوساتىلعان جانە ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلعان»، - دەيدى ق ر سىبايلاس جەمقورلىققا قارسى ءىس- قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ. تالداۋ كورسەتكەندەي، كوپ جاعدايدا پارا بەرۋشىلەر جەكە كومپانيانىڭ وكىلى بولىپ شىققان.

«ولار لاۋازىمدى تۇلعالارعا پارا بەرۋ ارقىلى كاسىپكەرلىك قىزمەتىن قولايلى جۇزەگە اسىرۋعا تىرىسقان نەمەسە مەملەكەتتىك ساتىپ الۋ شارتتارى بويىنشا ورىندالعان جۇمىستاردىڭ اكتىلەرىنە كەدەرگىسىز قول قويۋ قويدىرىپ الماق بولعان. مىسالى، ەرمەگيايەۆ («ەكسپو-2017» ۇك) ءىسى بويىنشا پارا بەرۋشى 7 جىلعا سوتتالسا، ال ولارعا كومەكتەسۋشىلەردىڭ 5 جانە 7 جىلعا باس بوستاندىعى شەكتەلگەن. سوت ايىپپۇل تولەۋ مەرزىمىن بەلگىلەيدى جانە ايىپپۇل تولەنبەگەن جاعدايدا باس بوستاندىعىنان شەكتەلۋ جازاسى باس بوستاندىعىنان ايىرۋ جازاسىنا اۋىستىرىلادى»، - دەيدى ول.

اۆتور: زارينا قاھارمان

سوڭعى جاڭالىقتار