شىمكەنتتە قوناقۇيلەردىڭ بىرىندە ەمىن- ەركىن جۇرگەن ارىستان زووباققا وتكىزىلدى

None
None
شىمكەنت. قازاقپارات - شىمكەنتتەگى قوناقۇيلەردىڭ بىرىندە قىدىرىپ جۇرگەن ارىستاندى پوليتسەيلەر زووباققا وتكىزدى. جىرتقىش اڭ ءبىر تاۋلىك ىشىندە ەركىندىكتە جۇرگەنى انىقتالعان، دەپ حابارلايدى قازاقپارات ءتىلشىسى.

قالالىق پ د باسپا ءسوز قىزمەتىنىڭ مالىمەتىنشە، ارىستاندى ىزدەۋگە جەرگىلىكتى پوليتسيا قىزمەتى باسقارماسى مەن ءال- فارابي اۋدانى پوليتسيا باسقارماسىنىڭ قىزمەتكەرلەرى جۇمىلدىرىلعان. ءتارتىپ ساقشىلارى جاقىن ماڭداعى اۋماقتاردى ارالاپ، ونىڭ ءجۇرۋى مۇمكىن بارلىق جەرلەردى تەكسەرىپ شىققان. تۇرعىنداردان سۇراستىرىپ، ولار دا پوليتسياعا جان- جاقتى كومەك كورسەتكەن. بىرلەسكەن ءىس- ارەكەتتەردىڭ ناتيجەسىندە ارىستاننىڭ جۇرگەن جەرى انىقتالىپ، حايۋاناتتار باعىنىڭ قىزمەتكەرلەرىنە تاپسىرىلدى.

ەسكە سالايىق، بۇعان دەيىن «Instagram» الەۋمەتتىك جەلىسىندەگى پاراقشالاردىڭ بىرىندە ازاماتتاردىڭ قوناق ۇيدە ارىستان كورگەنى تۋرالى بەينەجازبا جاريالانعان بولاتىن.


«قازىرگى تاڭدا اتالعان جايت بويىنشا ق ر قىلمىستىق كودەكسىنىڭ 339-بابىمەن (وسىمدىكتەردىڭ نەمەسە جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن، سونداي- اق پايدالانۋعا تىيىم سالىنعان تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) سوتقا دەيىنگى تەرگەپ- تەكسەرۋ باستالدى. وقيعانىڭ ءمان- جايى انىقتالۋدا» دەلىنگەن حابارلامادا.

اۆتور: اينۇر اقبايەۆا

سوڭعى جاڭالىقتار